ધરપકડ / છૂટકારા મુબારક

      આમ તો જન્મદિનની વધાઈ આપવી જોઈએ; અને અમને એનો હરખ પણ છે જ. પણ વધારે આનંદ તો એમની ધરપકડ થયા બાદ અદભૂત રીતે છૂટકારો થયો હતો; એનો છે.

કોની વાત છે આ?

ભુલી ગયા?

• એક વરસ પહેલાં, જજ  ગડબડદાસની કોર્ટમાં ચાલેલા કેસને?

ભુલી ગયા?

• કયા સાવજને કયા સાવજે છોડાવ્યો હતો?

ખેર, આપણી અભૂતપૂર્વ યાદશક્તિના પ્રતાપે ( અમારા જેવા ૬૦ + ની તો ખાસ જ )  આપણે ભુલી જઈએ એ ગનીમત છે.

પણ ગુગલ મહારાજ એમ થોડા જ ભુલવા દે?

લો, તાંણે વાતમાં મોંયણ વધારે નાંખ્યા વગર કહી જ દઉં …

• યાદ કરો વો દિન.
• યાદ કરો વો કુરબાની
• યાદ કરો વો ઝુંબેશ! 
• યાદ કરો વો જુલૂસ

એ મહાન દિવસને યાદ કરો જ્યારે કપટી ગડબડદાસની કોરટમાંથી જૂનાગઢના સાવજે એરિઝોનાના સાવજનો ઊગાર કરાવ્યો હતો. નાગણોએ કાળિયા કન્હૈયા પાસેથી નાગને છોડાવ્યો હતો એમ !

—- અહીં જ તો . 

આમે ય આતાને નાગ બહુ જ પ્રિય છે – એ જગજાહેર વાત છે.

         બોરકૂટાની આ મહાન પ્રણાલિકા આતાના ૯૨મા જન્મદિનથી શરૂ થઈ હતી. અમને થોડોક વસવસો છે; કે, કોઈ બીજા હાદજન ખેલદીલીપૂર્વક આમ શહીદ બનવા તૈયાર નથી. પણ  ન્યાં  કણેય ક્યાં પાછા પડીએ એવા છંઈં ?

        અમે ગોતી કાઢશું – નેક્સ્ટ શહીદને !

આઘાય ખસી જઈએ, સામાય ધસી જઈએ

એકાદ મળે ક્ષણ તો ક્ષણમાંય શ્વસી લઈએ.

– ઋષિકવિ રાજેન્દ્ર શુકલ 

જોક્સ એપાર્ટ …..

       આમ ક્ષણમાં જીવી જીવીને, ગઈ ગુજરીને ગનીમત કરીને, સદાય બાળકની જેમ જીવી જીવીને,  ૯૩ મુકામ પાર કરીને, સદી તરફ જુવાનની કની ધસી રહેલા ૯૩ વર્ષના એક માત્ર ગુજરાતી બ્લોગર ‘ આતા’ ને ( હિમ્મતલાલ જોશી ? – માળું કીબોર્ડ પણ માંડ ઈ નામ લખવા દે છે! )

ઘણી ખમ્મા….