હાસ્ય દરબાર

ગુજરાતી બ્લોગ જગતમાં રોજ નવી જોક અને હાસ્યનું હુલ્લડ

સંવર્ધિત જોક્સ – ૨૨

એક માણસ જમીનમાં ખાડો ખોદી રહ્યો હતો. ખાડો ખોદાઈ રહ્યા પછી બીજો માણસ તેને પૂરી દેતો હતો. બસ, એ જ રીતે કામ ચાલી રહ્યું હતું. ત્યાં તો રસ્તેથી પસાર થનાર ત્રાહિત માણસે પેલાઓને પૂછ્યું, ‘મિત્રો, તમને ખબર છે કે તમે લોકો શું કરી રહ્યા છો ?’ પેલાઓમાંના એકે જવાબ આપ્યો, ‘અમે અમારી ફરજ હેઠળનું કામ કરી રહ્યા છીએ.’ પેલા ત્રાહિતે વળી કહ્યું, ‘તમને લોકોને ખાતરી છે જ કે તમે જે કામ કરી રહ્યા છો, એમાં કશું જ ખોટું નથી !’ બીજાએ જવાબ આપ્યો, ‘કદાચ અમારું કામ ખોટું હોય, તો તેના માટે જોકિમ જ જવાબદાર છે; કેમ કે તે તેના કામ માટે આજે અહીં ફરક્યો જ નથી !’ પેલા ત્રાહિતે પૂછ્યું, ‘જોકિમ કોણ છે ?’ પેલા બંને જણાએ એકીસાથે જવાબ વાળ્યો, ‘એ માણસ ખાડાઓમાં બી વાવનારો છે !’ (Dorita Aparecida Hoinaski – RD)

= = = = =

કાર્યદક્ષતાની ઐસીતૈસી! :

અહીં ખાડાઓની વાત ઉપરથી એક વાત યાદ આવે છે : “રાજાશાહીના જમાનામાં એક કૃષિપ્રધાને ઢોળાવવાળી જમીનની સુધારણા માટે ખાડા ખોદીને પાળિયા કરવાની એક યોજના મૂકી, જેનાથી વરસાદની ઋતુમાં કુદરતી રીતે થોડાંક વર્ષોમાં જમીન સમતલ થઈ જાય. આગામી ચોમાસા પહેલાં કામ પૂરું કરી દેવાની તાકીદ કરવામાં આવી અને જવાબદાર અધિકારીઓને આંકડાકીય માહિતી આપવાનું જણાવાયું. કૃષિપ્રધાન ‘ખાનખાદન’ (એટલે કે, ‘ખાઈશ નહિ, ખાવા દઈશ નહિ’) હતો! તેણે તમામ આંકડાઓનો સરવાળો કરવાનું એક અધિકારીને જણાવ્યું. કૃષિપ્રધાન અને રાજાના આશ્ચર્ય વચ્ચે એ સરવાળાનો આંકડો આખા રાજ્યના ક્ષેત્રફળ કરતાં વધારે થયો. રાજાએ કૃષિપ્રધાનની હાજરીમાં જવાબદાર અધિકારીઓની મિટીંગ બોલાવીને પૂછ્યું, ‘આપણા રાજ્યમાં ખાડા કે ખાડામાં આપણું રાજ્ય? તમે લોકોએ તો પ્રજાનાં વસવાટનાં મકાનો અને મારા મહેલ સુદ્ધાંને ખોદી નાખ્યો. વળી બાજુનાં રાજ્યોમાં પણ ખાડા ખોદી નાખ્યા! બોલો, હવે શું કરશો?”

-વલદા ધોંણધારિયા

= = = = =

(Abridged, adapted, summarized, edited  and translated  from “Reader’s Digest” [(January –  2003) – All credit goes to ‘Copy Right’ possessors.)]

ભંગારવાળો

અનીલા પટેલ

સોસાયટીમાં  જાત જાતના ફેરિયાઓ  આવે ભંગારવાળો  નિયમિત  સમયે  આવે. મારી સામેવાળા  માજીનો તેલનો  ડબ્બો   ખાલી  થયેલો તે રોજ બધા ભંગારવાળાને બતાવે  પણ ડબ્બો  સહેજ  કાણો  હતો તે કોઇ લઈ જાય  નહીં,  થોડા દિવસ  પછી  મારો ડબ્બોય ખાલી  થયો.મેં  પણ એક બે જણને બતાવ્યો.  ડબ્બાના  ભાવ 15થી20 રુ. ચાલે.  નસીબ જોગે  પેલા માજીનો ડબ્બો  એક જણ 20 રુ.માં  લઇ ગયો,  માજી  બિચારા  હોંશે હોંશે  મને  કહેવા  આવ્યા કે અનિલાબેન તમારેય ડબ્બો આપવાનો હતો ને? હું  ઘરમાંથી  ડબ્બો  લઇને  આવી, પેલાએ મને  15 રુ. કહ્યા. મેં  કહયું “મારે નથી આપવો.” ભંગારવાળો  કહે,” આ માજી ને હમણાંજ  આપ્યા “.
એટલે મારાથી બોલાઇ ગયું, “કાણાં  ડબ્બાના  20રુ. અને સારા ડબ્બાના  15રુ.” મારે નથી આપવો. ભંગારવાળાએ માજીનો ડબ્બો  બરાબર  જોયો અને પાછો આપીને પૈસા  પાછા  લઇ  ગયો. પછી  મને મનમાં  હસવું  આવ્યું.  પણ પછી  બહુ દુ:ખ થયું  કે માજી  મારું  ભલું  કરવા ગયાં ને જાણે  અજાણ્યે મારા હાથે એમનું  નુકસાન  થઈ ગયું. મેં  બેત્રણ દિવસ  પછી બીજા  કોઈને  ડબ્બો વેચ્યો  હોત તો સારું.

પણ આ1995ની વાત એ સમયે બે બે પાંચ રુ.ની કિંમત  એટલી જ  હતી. આજનો  સમય  હોયતો  એમને એમ આપી દેતા.

ત્રણ હુંશિયાર જણ – સંકલન

સુરેશ જાની

એ વાર્ત્તા અહીં

જવાબ – બીજા પ્રશ્ન પત્રમાં સવાલ હતો –

કયું વ્હીલ ફ્લેટ થઈ ગયું હતું !

ભાગ લેનાર મિત્રો

  • પ્રજ્ઞા વ્યાસ
  • હીરલ શાહ
  • સુરભિ રાવલ
  • વલીભાઈ મુસા

‘રી’થી અંત પામતા શબ્દો – સંકલન

સુરેશ જાની

એ રમત અહીં રજૂ કરી હતી.

એના જવાબ –

  1. એક ફરસાણ – કચોરી, ચકરી
  2. દેશી પીઝા – ભાખરી, કુલચા, ભટૂરા ( અન્ય જવાબ – પુરી પણ એ પોચી હોય )
  3. તોફાની છોકરાઓ કરે – મશ્કરી, કિકિયારી, મારામારી
  4. માતા પિતાની કરવી જોઈએ – ચાકરી
  5. લગ્ન ન થયેલા હોય એવી કન્યા – કુંવારી
  6. શાકભાજી વાળો શાક  વેચવા આનો ઉપયોગ કરે.- લારી
  7. મહેનત કરી ને મજદૂર મેળવે – મજુરી
  8. સૂટકેશ બનાવતી કંપની – સફારી
  9. ડોકટર નેને ની પત્ની – માધુરી
  10. દોસ્તી – યારી

જવાબ આપનાર મિત્રો –

  • પ્રજ્ઞા વ્યાસ
  • નેહા દુલેરા
  • કમલ જોશી
  • નિરંજન મહેતા
  • સુરભિ રાવલ
  • નિરંજન દેસાઈ
  • દીપ્તિ દોશી
  • ડો. રઘુ શાહ
  • વલીભાઈ મુસા
  • નૂતન કોઠારી ( નીલ) – વાપી
  • હસમુખ કાકડિયા – સુરત

ત્રણ હુંશિયાર જણ

એ ત્રણ સહાધ્યાયીઓ બહુ હુંશિયાર હતા. અને પાછા પ્રતિસ્પર્ધી પણ નહીં. હમ્મેશ ત્રણે જણના ૯૦% થી વધારે માર્ક આવતા. હવે છેલ્લી પરીક્ષા જ બાકી હતી. ત્રણેની પૂરી તૈયારી હતી જ, આથી  શનિ રવિ   વધારે મહેનત કરવાની જરૂર નહોતી. આથી ત્રણે જણે નક્કી કર્યું કે, બાજુના શહેરમાં જલસા કરવા અને સોમવારે સવારે નીકળી સીધા પરીક્ષાના હોલમાં જવું.

આમ તો પ્લાન બરાબર હતો અને એમણે બહુ મોજમજા કરી. શી મજા કરી , એ ન પૂછતા!  સોમવારે સવારે ધાર્યા કરતાં મોડું ઊઠાયું અને માંડ માંડ તૈયાર થઈ બસ સ્ટેન્ડ પર ગયા પણ એમની કોલેજ લઈ જતી બસ તો ઊપડી ગઈ હતી. બીજે ક્યાંક જતી લોકલ બસમાં એ તો ચઢી ગયા અને વચ્ચેથી ઊતરી બીજી બસ પકડવા રાહ જોતા ઊભા. પણ એ ય લોકલ બસ જ હોય ને?  આ બધી બબાલમાં કોલેજ પહોંચ્યા ત્યારે ફાઈનલ પરીક્ષા તો  પતી ગઈ હતી. પ્રિન્સિપાલ સાહેબ પાસે ત્રણે જણ વીલા મોંઢે ગયા. એમનામાંના સૌથી ચાલાક જણે  નીચેનું બહાનું ઉપજાવી કાઢ્યુ –

“ અમે એક મિત્રના પપ્પાની ગાડી લઈને ……… ગયા હતા . પણ  કમનસીબે હાઈવે પર ગાડીનુ ટાયર ફ્લેટ થઈ ગયું . અધુરામાં પૂરું ગાડીનું સ્પેર વ્હીલ પણ ફ્લેટ હતું. સોમવારે ગાડી અચૂક પાછી આપવાની હતી એટલે બસ પકડાય તેમ ન હતું.  કોઈકની લિફ્ટ ઘણી વારે મળી અને બન્ને ટાયર રિપેર કરાવવા દસેક માઈલ દૂર ગેરેજમાં ગયા. વળતાં બીજા  કોઈકની લિફ્ટ મળી ત્યારે પાછા આવ્યા. આમ અમને કોલેજ આવતાં મોડું થયું . “

એમની ઉજ્જ્વળ કારકિર્દી જોતાં સાહેબે કહ્યું,” સારું, ત્રણ દિવસ પછી તમારી ફરીથી પરીક્ષા લેવામાં આવશે.

એ પરીક્ષા વખતે ત્રણેને જૂદા જૂદા ઓરડામાં બેસાડી પ્રશ્નપત્ર આપ્યું. કુલ માર્ક ૫૦ . ત્રણે જણે ફટાફટ જવાબ આપી દીધા. પણ પરીક્ષકે કહ્યું કે, બાકીના ૫૦ માર્ક માટે બીજું પેપર આપવામાં આવશે.

અને ત્રણે જણ એ પેપરમાં નાપાસ થયા !

હવે બોલો – એ પ્રશ્નપત્રમાં શું  સવાલ પૂછાયો હશે?

સાચો જવાબ આવતી કાલે.

‘રી’થી અંત પામતા શબ્દો

નીચેના દરેક વાક્ય માટે જે જવાબ છે – તે ‘રી’ થી અંત પામે છે. એ બધા શબ્દો જવાબમાં લખો

દા.ત.
પિતાને વ્હાલી……..  દીકરી

  1. એક ફરસાણ
  2. દેશી પીઝા
  3. તોફાની છોકરાઓ કરે તે
  4. માતા પિતાની કરવી જોઈએ
  5. લગ્ન ન થયેલા હોય એવી કન્યા
  6. શાકભાજી વાળો શાક  વેચવા આનો ઉપયોગ કરે
  7. મહેનત કરી ને મજદૂર મેળવે તે
  8. સૂટકેશ બનાવતી કંપની
  9. ડોકટર નેને ની પત્ની
  10. દોસ્તી

સાચા જવાબ અને ભાગ લેનાર મિત્રોનાં નામ મંગળવારે પ્રસિદ્ધ કરવામાં આવશે .

સંવર્ધિત જોક્સ – ૨૧

કદાવર બાંધાનો એક માણસ પાદરીના નિવાસસ્થાને ગયો અને ખૂબ જ નમ્રતાપૂર્વક કહેવા માંડ્યો, ‘સર, હું બહુ જ કફોડી આર્થિક હાલતમાં મુકાઈ ગએલા એક કુટુંબની કરૂણ દાસ્તાન કહેવા માગું છું. કુટુંબનો વડો બિચારો બેકાર છે. તેની પત્ની નવ બાળકોના ઉછેરમાં વ્યસ્ત રહેતી હોવાના કારણે કામધંધો કરી શકે તેમ નથી. તેઓ ભૂખ્યાં પણ છે અને તેમના મકાનનું ચઢેલું પાંચસો ડોલરનું ભાડું તેઓ નહિ ચૂકવી શકે, તો બિચારાં રસ્તા ઉપર આવી જશે !’ કઠોર ચહેરો ધરાવતા એ માણસની દયાભાવના જાણીને પાદરીએ કહ્યું, ‘સાચે જ આ તો હૃદયદાવક વાત કહેવાય ! હું પૂછી શકું કે આપ કોણ છો ?’ પેલાએ રડમસ અવાજે ડૂસકાં ખાતાં કહ્યું, ‘હું એ લોકોનો મકાનમાલિક છું.’ (Unknown – RD)

= = = = =

વિસ્તરણ : “પાદરીએ આગંતુકને હૈયાધારણ આપતાં કહ્યું, ‘ભાઈ, રડશો નહિ. ‘રડવું’ એ સમસ્યાનો ઉકેલ નથી. તમારી હમદર્દીની ભાવના સરાહનીય છે. એ ગરીબ કુટુંબની સમસ્યાઓનો ઉકેલ તમારા જ હાથમાં છે. પ્રથમ તો ચઢેલું ભાડું માફ કરી દો. તેમને ભાડે આપેલું મકાન તમારા માટે વધારાનું છે માટે તેને બક્ષિસ કરી દો. તેમનાં આઠ છોકરાંને દત્તક લઈ લો, પણ  એક તેમની પાસે રહેવા દેજો. રહી એ ભાઈની બેકારીની વાત, તો તમે જ તેને નાનીમોટી નોકરી આપી દો અથવા દર મહિને બેકારી ભથ્થું ચૂકવતા રહો. ઈશ્વર કેવો દયાળુ છે કે તેણે એ ગરીબ કુટુંબને તમારું ભાડુઆત બનાવ્યું. જો એમ થયું ન હોત તો તમને શી રીતે ખબર પડત કે એ કુટુંબ ગરીબ છે અને આમ માર્ગદર્શન માટે મારી પાસે તમારે આવવાનું ક્યાંથી થાત! God bless you.

‘Thanks’ કહીને પાછા ફરતાં એ મહાશયના મસ્તકમાં શેતાને પ્રવેશ કરીને તેમને મનોમન એમ કહેવાની ફરજ પાડી કે ‘પાદરો!’

-વલજી

= = = = =

(Abridged, adapted, summarized, edited  and translated  from “Reader’s Digest” [(January –  2003) – All credit goes to ‘Copy Right’ possessors.)]

    

હાસ્ય હાઈકૂ – ૨

રમેશ પટેલ ( આકાશદીપ)

હસતું બાળ
દાદા બોખા હસાવે
અરીસો હસે

પ્રોક્સી અક્ષરો – સંકલન

વલીભાઈ મુસા

અહીં એ શબ્દ રમત રજુ કરી હતી.

એના જવાબો

(૧) આ ઘાસ્ય પઠતાઠ ષે. = આ હાસ્ય દરબાર છે.

(૨) ઘચો અધે ઘચાઝો. = હસો અને હસાવો.

(૩) ચોતબ બેઝી અચઠ.  = સોબત તેવી અસર

(૪) ઘચે બેધું હઠ ઝચે.  = હસે તેનું ઘર વસે.

(૫) ઝટપા અધે ચુઠપા ઢિત્રો ષે.  = વલદા અને સુરદા મિત્રો છે.  

જવાબ આપનાર મિત્રો –

  • નૂતન કોઠારી ( નીલ) – વાપી
  • હસમુખ કાકડિયા – સુરત

સંવર્ધિત જોક્સ – ૨૦

હું ટ્રાફિક સેફ્ટી કન્સલન્ટન્ટ તરીકે ઘણી સંસ્થાઓમાં મારો અકસ્માતોના નિવારણ માટેનો વાર્તાલાપ આપતો હતો. એક રાત્રે શિક્ષકો અને વાલીઓના એવા એક પ્રોગ્રામમાં મેં મારું વક્તવ્ય પૂરું કર્યું, ત્યારે તેના આયોજકે મારો આભાર માનતાં મને પુરસ્કાર તરીકે પચાસ ડોલરનો ચેક આપ્યો. મેં વિવેક બતાવતાં કહ્યું, ‘આ તો મારી ફરજના ભાગરૂપ છે. શું હું આ રકમ આપની સંસ્થાના એવા કોઈ શુભ કાર્ય માટે ફંડ તરીકે આપી શકું ?’ પેલી આયોજકે જવાબ આપ્યો, ‘અલબત્ત ! અમે અમારા ફંડ એકત્ર કરવાના આગામી પ્રોગ્રામમાં તમારા આ નાણાનો ઉપયોગ કરી શકીશું કે જેથી અમે મોટી ફી ચૂકવીને સારા વક્તાને મેળવી શકીએ.’ (S. Dean Spence – RD)

= = = = =

ભૂતિયા લપડાક (Ghost Slap) : આ એવી લપડાક હોય છે કે જે કોઈને દેખાય નહિ, પણ જેને પડી હોય તેને જ ખબર પડે કે કેટલી માત્રામાં ચચરે છે! બિચારા વક્તા જડ તક્તા જેવા બની ગયા. અહીં તો વક્તાના એક જ વક્તવ્યને સરપાવ અપાયો, પણ બીજા ઠેકાણે તો આયોજકે એક વક્તાના વક્તવ્યની એવી પ્રશંસા કરી કે ‘સાહેબ, આપનાં ઘણાં વક્તવ્યો સાંભળ્યાં છે, પણ આપનું આજનું વક્તવ્ય ખરે જ દમદાર હતું!’  લ્યો, હાદજનો, જોયું? વક્તાનાં આગળનાં તમામ વક્તવ્યો ઉપર રીજેક્શનની કાતર ફરી વળી ને!       

-વિલ (Will)

= = = = =

(Abridged, adapted, summarized, edited  and translated  from “Reader’s Digest” [(January –  2003) – All credit goes to ‘Copy Right’ possessors.)]