હાસ્ય દરબાર

ગુજરાતી બ્લોગ જગતમાં રોજ નવી જોક અને હાસ્યનું હુલ્લડ

સ્વયંભૂ સેવક

      આમ તો અહીં  હળવી સામગ્રી પીરસવાનો જ રિવાજ છે.  નેટ મિત્ર અને જાણીતા કટાર લેખક શ્રી. બીરેન કોઠારીની હળવી સામગ્રી ‘સળી નહીં સાવરણી’ ના કોઈક કોઈક પરચા અહીં અગાઉ પણ મુક્યા છે. આજે એવી એક સામગ્રી આ રહી…

sevak
પણ આ ‘સાવરણી’ વાંચીને એ સાવ હળવી બાબત ન લાગી. અહીં અનામી, અદના પૂણ્ય શ્લોક આદમીના ગૌરવને સલામી છે. એ અદના સ્વયંભૂ સેવકોને સલામ સાથે….આવા હજારો પૂણ્ય શ્લોક નર – નારી ઓ છે જ. તેમના પૂણ્યથી જ આ પાપી જગતનાં પાપ ધોવાતાં રહે છે.  થોડાક બીજાની કથા વાંચવા  નીચેના ચિત્ર પર ક્લિક કરો –

ss

અને છેલ્લે, એક હળવી વાત….

બીરેન ભાઈને એક સૂચન –

     એમની આ કટારનું નામ બદલવાની જરૂર છે. ઘણી બધી સળીઓનો ભંડાર સાવરણામાંથી મળે – સાવરણીમાંથી નહીં !!

Advertisements

કેલરીનું કૌભાંડ – શ્રી. દિપક બુચ

શ્રીમતીજીએ કહ્યું (૧) :”આ ટ્રાફિક વધી ગયો અને ફૂટપાથ પણ ન કરી તેથી હવે આપણું સાંજે ચાલવા જવાનું પણ ટળ્યું.આપણી નજીક જ જીમ ખુલ્યું છે તેમાં સવારે,વહેલા જઈએ તો?
મેં કહ્યું (૨) : “સુદામા જેવું થવું હોય તે જીમમાં જાય.!
અને વહેલી સવારની તો, વાત જ ન કરતી. સવારે વહેલા આંખ ઉઘડે અને ‘હજી પાંચ મિનીટ સુઈ લઉં’ તેમ કરતાં પચાસ મિનીટ નીકળી જાય છે તેમ, રાતે ‘બે મિનીટ’ વોટ્સેપમાં જોઈ લઉં તેમ કરું છું તો બાસઠ મિનીટ નીકળી જાય છે, તેને લીધે મારી બેટરી ચાર્જ થઇ જાય છે અને પછી માંડ ઊંઘ આવે છે!
(૧) : “ આપણે હવે મોટા થયા એટલે તબિયત તો જાળવવી પડેને? આપણે એમ કરીએ તો કે વોટ્સેપમાં હેલ્થની ઘણી બધી ટીપ્સ આવે છે તે અનુસરીને હેલ્થ મેઇન્ટેઇન કરીએ.
(૨) : એમ ટીપ્સના ટીપે ટીપે તંદુરસ્તી થોડી જળવાય?!
(૧) : “હું કહું તે તો તમારે માનવું જ નથી, કાઈ નહીં; જવા દો “
(૨)   :” લગ્ન પછી તારું માની માની ને જ, આટલા બર્થડે ઉજવ્યા ને? ચાલ, નારાજ ન થા,બોલ શું કરશું?
(૧) :” મેં વાંચ્યું’તું કે કેલેરીનું ધ્યાન રાખીએ તો વાંધો ન આવે.. એક દિવસમાં તમારે પુરુષ લોકોને ૨૫૦૦ અને અમારે સ્ત્રીઓને ૨૦૦૦ કેલેરીની જરૂર પડે, તેમ આપણો ખોરાક એડજેસ્ટ કરી શકાય..
(૨) : ઓકે, મારી સેલેરીનું તો સદાય તેં જ “ધ્યાન” રાખ્યું હતું તેમ આ કેલેરીનુંય રાખી લેજે! વળી તારી જેમ ડીટેઇલમાં તો નહી, પણ ઉપ્પરછલ્લું વાંચ્યું’તું કે માત્ર કેલેરી “અર્ન” જ નહીં, “બર્ન” નું પણ ધ્યાન રાખવું પડે…! સહેલું નથી, વેપારીની જેમ ત્રાજવે તોળીને-તોળીને, માપી-માપીને બધું ખાવું-પીવું પડે.”
(૧) :” તમારી વાત સાચી. (જવલ્લેજ સાંભળવા મળતું આ વાક્ય સાંભળી મારું મન ઝૂમી ઉઠ્યું !). આપણે નિરાંતે બેસીને, એકવાર સવારથી રાતનું ખાવા-પીવા માટેનું ટાઈમ-ટેબલ બનાવી લઈએ. પછી કેલેરી ગણી-ગણીને ખોરાક લેવાનો જેથી આપણે “બર્ન” ની ચિંતા જ ન રહે ને માત્ર “અર્ન” જ કર્યા કરવાનું…!
(૨) : તારા થોટ્સ ગજબના છે, નિરાંતે ખાવું-પીવું ને “બર્ન”ની તો, તેં કીધું તે મુજબ ચિંતા જ નહી! વાહ; જીમ પણ ટળે..ને…બાપુ,
તો-તો જામે હો, ટાઈમ-ટેબલ ને ટેબ્લેટ..જામવાનું સોશિઅલ મીડિયામાં…!
(૧) ; “ હવે અત્યારે તમેં ક્યાં ઓછું ટીપો છો? જયારે જોઉં ત્યારે, બગલો માછલી પકડવા એકાગ્ર હોય તેમ તમે મંડ્યા જ હો છો,માથું ઘાલીને ટેબ્લેટમાં.
ભૂલી ગ્યા? ડોકટરે તમને સ્પોન્ડેલાઈટીસ માટે, તે પણ એક કારણ કહ્યું’તું ?!
(૨) : “ એ તો આઈનસ્ટાઇનની થીઅરી ઓફ રીલેટીવીટી જેવું છે..! ( હું સાયન્સ ગ્રેજ્યુએટ એટલે થયું આ શબ્દ વાપરું જેથી પત્ની તે અંગેની અજ્ઞાનતાવશતાને કારણે  થોડી “રેંજ”માં રહે.!
જો કે ભલભલાને ત્યારે અને અમુકને તો અત્યારે પણ, તે થીઅરી સમજમાં આવી નથી…!) તે થિયરી પ્રમાણે, તને એમ લાગે કે હું “વોટ્સેપ્યું-વોટ્સેપ્યું” રમું છું જ્યારે મને પણ એમ લાગે કે તું “વોટ્સેપ્યું-વોટ્સેપ્યું ” રમે છે…! જવા દે એ બધું, કામની વાત કરીએ.
પછી તો મૂડમાં આવી ગયેલ પત્નીએ, વોટ્સેપમાં પુરતું “સિલેબસ” ન મળતા ડાયેટીશ્યનના કોર્સની કેટલીક ચોપડીઓ પણ ખરીદી ને વસાવી. ઉપરાંત માપ-તોલના કેટલાંક સાધનો પણ..!
ટાઈમ-ટેબલ બની ગયું અને અમલમાં મુકાઈ ગયું.
સામાન્યત: મને સવારથી– “મોર્નિંગ બ્રેકફાસ્ટ,લંચ અને ડીનર” માટે નીચે મુજબની સૂચનાઓ મળતી રહેતી જેનો મારે  ચૂસ્તપણે અમલ કરવો પડતો. વચ્ચે એક દાણો પણ, ન લેવાની મુખ્ય શરત હતી.
એકજ ઉદાહરણ પૂરતું છે…પછી ખાવા પીવાની ‘ઘરેડ-પરેડ’ એજ પ્રમાણે ચાલી:
“ પોણું ટમેટું જ લેજો,તેમાં દોઢ ઇંચ ગાજરના નાના ટુકડાઓ તેમજ કોબીચના નાના દોઢ પાન કાતરી ને નાખજો, આમ તો ન ખવાય, પણ તમને શોખ એટલે મરચાના પાંચ મીલીમીટરના છ ટુકડા નાખજો ને આંખમાં કણું પડે તેટલું જ મીઠું..! ઇઠ્યોતેર ગ્રામ ઓટ્સ મેં ૨૮૦ મીલીલીટર દુધમાં પલાળી દીધા છે. બસ તે, અને તમે બનાવેલ કચુંબર ખાજો,પછી પાણી બિલકુલ ન પીતા.આટલું ખાશો તો પણ, સવારમાં જ તમારી ૨૩૯ કેલેરી ‘અર્ન’ થઇ  જશે.”
ભણવામાં દરેક ધોરણમાં, દર વર્ષે; માત્ર ચાર પાંચ દિવસ જ ભૂમિતિના પીરીયડ આવતા; ત્યારે જ ફૂટપટ્ટી વાપરતો, બાકી, બીજી ચોપડીની મદદથી સીધી લીટી દોરતો..હવે તો સાલું, તે જ ફૂટપટ્ટી સાથે રોજનો પનારો પડ્યો.!
ડાયેટ અનુસાર જ શાક-પાન અને અન્ય ચીજવસ્તુઓ ખરીદવાની હોવાથી, દરરોજ ખરીદી માટેની “ચિઠ્ઠીના ચાકર”ની જવાબદારીમાંથી પણ “વીઆરએસ” મળી ગયું..!
 એક ભાઈને “વીઆરએસ” જચ્યું નહોતું, ઓફીસ કરતાં ઘરમાં વધારે માથાકૂટ હતી, તેથી મને કહેતા; “વીઆરએસ” એટલે તેવો નિર્ણય લેવા માટે હવે લાગે છે: “We are Ass..!”
આમ તો “ચટપટો લારીયો જીવ “ એટલે આવા “લોચાપોચા” ડાયેટના કંટાળાથી મનમાં થતું “કેલેરી ગઈ કોડિયામાં” અને કેલેરીયો કેડો ચાતરવા, કોઈકવાર શ્રીમતીજીને કહેતો: “હમણા  થોડા દીવસથી, મને એવું ફિલ થાય છે કે કેલરી “સરપ્લસ” થઇ ગઈ છે..! ચાલીને “બર્ન” કરી આવું, થોડી?”!
“”કંટ્રોલર ઓફ કેલેરીઝ-અર્ન એન્ડ બર્ન”” જેવાં શ્રીમતીજી, કેલેરીનું નામ પડતાં; તરત જ રજા ગ્રાન્ટ કરતાં. પછી હું બહાર જઈ, કોઈ જોઈને કહી ન દે તે માટે; લારી પાસેના ઝાડના થડની ઓથે ફાફડા-જલેબી સાથે મરચાં કરડતો…! ને કેલેરીનાં આવા કૌભાંડ આચરતો રહું છું..! નસીબદાર છું કે હજી કોઈ ‘તપાસપંચ’ નિમાયું નથી. “હિંમતે ભાયડા,તો મદદે ફાફડા..!!!
 –  દિપક બુચ (dp); અમદાવાદ; 
તા. ૧૪-૪-૨૦૧૮.

Dipak_Buch
 ભલે  દિપક ભાઈએ આમ વિનોદ કરાવ્યો , પણ તેમની સાચી ઓળખ એક સેવાધારી વયસ્કની છે. નિવૃત્ત થયા બાદ તેમણે તેર વર્ષથી સાવ નિસ્વાર્થ ધૂણી ધખાવી છે. એ અંગે વિશેષ…..
ddvp

આ લોગો પર ક્લિક કરી એ પરબનાં પાણી ચાખો…

      અમદાવાદની એક કરોડને આંબી જતી વસ્તીમાં કમ સે કમ એક લાખ આવા નિવૃત્ત વયસ્કો હશે જ. એમાંથી ફક્ત ૧૦૦ જ  વયસ્કો દિપક ભાઈ અને મજરી બહેનના આ ધૂણા પરથી પ્રેરણા લઈ , માત્ર ૧૦ જ છેવાડાનાં કુટુમ્બનાં બાળકોને આમ સાચી રાહે ચઢાવે તો?

      ૧,૦૦૦ બાળકો ધૂળમાં રગદોળાતું ફૂલ મટીને મંદિરમાં કોઈ મૂર્તિને શોભા આપી શકે, તેવાં જીવન ગુજારતાં થાય.

હવે સમજાયું – અશોક ચાવડા ‘બેદિલ’

રાધાએ સાડીને કપબર્ડમાં મૂકી
……. ને પહેરવા માંડ્યું છે હવે પેન્ટ
……. હવે સમજાયું વ્હાય શ્યામ વેન્ટ.

બિચારો શ્યામ ઘણો કન્ફ્યુઝ થયો છે
……. એને રાધાની લાગ્યા કરે બીક
કે વાંસળીના સૂરથી ન રાધા રોકાય
……. એને વાંસળીથી આવે છે છીંક

અશોક ચાવડા ‘બેદિલ’

આખી કવિતા અહીં….

rg

આ ચિત્ર પર ક્લિક કરો

મૈસુરની ૧૩ વર્ષની બાલિકા ખુશીનો યોગમાં નવો વિશ્વ રેકોર્ડ

મૈસુરની ૧૩ વર્ષની બાલિકા ખુશી નો યોગમાં નવો વિશ્વ રેકોર્ડ

13-year-old Khushi has set a new world record after performing some tough yoga asanas 15 times under a minute in Karnataka’s Mysore.

She performed Niralamba Poorna Chakrasana at the Community Hall of Mysore’s RBI Nagar in presence of Golden Book of World Records representative.

Khushi started doing Yoga less than three years ago and has received many national and international medals for the same.

ख़ुशी नामक एक 13 वर्षीय लड़की ने योग में नया विश्व रिकॉर्ड बनाया है। उसने 1 मिनट में 15 बैक प्लैंक रेकलाइन क्रंचर किये।

Artistic YOGA performed by KHUSHI at suttur.

જાહેરમાં ”પવન મુક્તાસન ” નો રમુજી પ્રયોગ ! …

એક બિન્દાસ મહિલા ગભરાયા સિવાય રેસ્ટોરંટમાં જાહેરમાં ”પવન મુક્તાસન” ના પ્રયોગ કરે છે ત્યારે જે પરિસ્થિતિ સર્જાય છે એથી  એ યુવતીનો પતી ભલે લજવાય પણ તમને તો એ ખડખડાટ હસાવશે એની ગેરંટી ! 

આને તમે ”બ્લેક હ્યુમર ” નો એક પ્રકાર કદાચ કહી શકો!   Read more of this post