એક બીજાને ગમતા રહીએ-પી. કે. દાવડા

ચાલો આપણે એક બીજાને ગમતા રહીએ,
ગમવાની આ રમત આપણે રમતા રહીએ.

તારા મારા સ્વભાવ જુદા, પણ તેમાં શું?
લોકો  ઉપર પ્રભાવ જુદા, પણ તેમાં શું?

લોકોના આ રામ-સીતાના ભરમમા રહીએ,
ચાલો આપણે એક બીજાને ગમતા રહીએ.

તને ભાવે એ મને ન ભાવે, પણ તેમાં શું?
ચા કોફી પણ નોખા આવે, પણ તેમાં શું?

રોજ રાતના  ભેગા બેસી જમતાં જઈએ,
ચાલો આપણે એક બીજાને ગમતા રહીએ..

 ઘરની વાતું ઘરમા રહેતી, પણ તેમા શું?
દુનિયા છો ભરમમા રહેતી, પણ તેમા શું?

અભિનય આપણે આપણો કરતા જઈએ,
ચાલો આપણે એક બીજાને ગમતા રહીએ..

-પી. કે. દાવડા

———————————–

હાદરબારીઓ માટે સરસ મજેનો સદેશ.

હાદજનોને પાદપૂર્તિ કરવા ઈજન છે. 

——-