ગુજરાતી બ્લોગ જગતમાં રોજ નવી જોક અને હાસ્યનું હુલ્લડ
એ મારી પહેલી નોકરી હતી. મોટાભાઈની ભલામણને કારણે મને એ મળી હતી – આન્ધ્ર પ્રદેશના રાજામુન્દ્રી શહેરની પેપર મિલમાં. થોડાક મહિના તો અમે મિલના કમ્પાઉન્ડમાં આવેલ ક્વાર્ટરમાં રહેતા હતા. પણ પછી મિલથી દૂર આવેલા સરસ, શાંત રહેણાંક વિસ્તારમાં રહેવા ગયા હતા.
એક દિવસ મોડી સાંજે જમીને એ નવા ઘરની બાલ્કનીમાં બેઠા હતા. એકદમ શાંત વાતાવરણ હતું. ઘણા વખત સુધી મિલના ઘોંઘાટિયા વિસ્તારમાં રહ્યા હોવાના કારણે મોટાભાઈથી એ શાંતિ ખમાઈ નહીં. વળી એ મજાકિયા જીવ.
મને કહે,” સુરેશ! ચાલ આપણે અહીં તમાસો કરીએ. તું નીચે ઊતરી દોડ અને તારી પાછળ હું ‘ચોર… ચોર’ ની બૂમો પાડતો દોડું. આજુબાજુના બધા જાગી જશે, અને બધાને યાદ રહી જાય એવો તમાસો ખડો થઈ જશે.”
મેં કહ્યું , “ આ બધાને ગુજરાતી ક્યાં આવડે છે? મને ટીપી જ નાંખે.”
ભાભીએ પણ મારી વાતમાં ટાપશી પૂરાવી.
અને હું ચોર તરીકે કૂટાઈ જતાં બચી ગયો !
એ નોકરી માટે ઇન્ટરવ્યૂ આપવા ગયો હતો, તે પહેલી ટ્રેન મુસાફરીની વાત પણ વાચકોને કદાચ ગમે આ રહી.
ડોક્ટર : તમારું યકૃત (Lever) મોટું થઈ ગયું છે.
દર્દી : તેનો મતલબ એમ કે વધારે વ્હીસ્કી પીવા માટે પૂરતી જગ્યા છે!
(આને કહેવાય, ‘હકારાત્મક વિચાર’)
એક સ્ત્રી તેની આહારશાસ્ત્રી (Dietician) ને કહે છે, ‘મારા માટે ખરો ચિંતાનો વિષય છે, મારી ઊંચાઈનો; નહિ કે વજનનો!’
ડોક્ટર : એ કેવી રીતે?
સ્ત્રી : મારા વજન પ્રમાણે મારી ઊંચાઈ ૭.૮ ફિટ હોવી જોઈએ.
(આને કહેવાય, ‘હકારાત્મક વર્તન)
એક માણસે તેના બેન્કરને લખ્યું, “મારો ચેક ‘અપૂરતું ફંડ’ રિમાર્ક સાથે પાછો ફર્યો છે. હું જાણવા માગું છું કે આ રિમાર્ક મને લાગુ પડે છે કે બેન્કને?”
(આને કહેવાય, ઉમદા કક્ષાનો આત્મવિશ્વાસ)
પરંતુ વધુ ઉત્તમ તો આ છે :
એક વંદા (cockroach)ના તેની હત્યા કરવા માટે તત્પર માણસને સંબોધતા શબ્દો આ છે : ‘આગળ વધ અને મને મારી નાખ, ઓ કાયર. તને મારી ઈર્ષા થાય છે કે હું તારી બૈરીને બિવડાવી શકું છું અને તું એમ કરી શકતો નથી!”
(આને કહેવાય, વિકટ પરિસ્થિતિમાં પણ અડગતા)
(સૌજન્ય : સુરેશભાઈ જાની, અજ્ઞાત સ્રોતેથી)
= = = = =
ભૂત સફર (અહીં ‘ભૂત’ એટલે ‘Ghost’ નહિ, પણ ‘ભૂતકાલીન’!) :
પાછા ફરો, પ્રાથમિક શાળાની પાટલી ઉપર ગોઠવાઈ જાઓ અને રમણકાકા સોનીની રચનાની આ યુ-ટ્યુબ સંભળો :
નોંધ :- આ ટ્યુબ ઓટોપ્લે નથી. સાંભળ્યા પછી બહાર નીકળી જવું, કેમ કે આવી તો સોશિયલ મીડિયા ઉપર ટનબંધ સામગ્રી હોય છે. બધું માણવા જઈએ તો એક જન્મારો પણ ઓછો પડે! બાકી યાદ રાખો કે એક દિવસ એવો આવશે કે આ બધું ભૂતકાલીન થઈ જશે અને નવું કંઈક આવતું રહેશે. ધન્યવાદ (રાજસ્થાની આત્માએ!)
-વલીભાઈ મુસા (સંપાદક)
= = = = =
કોપી રાઈટ : અત્રેની જે તે સામગ્રીનો ખરેખરો જશ જે તે સર્જકના ફાળે જાય છે, બાકી તો ‘મુસાભાઈનાં વા અને પાણી!’
એક કિશોર પાર્લામેન્ટ હાઉસની નજીકના એક માર્ગ ઉપર તેની બાઈસિકલને પાર્ક કરી રહ્યો હતો, ત્યારે એક પોલીસમેને તેને કહ્યું, ‘બેટા, તને ખબર નથી કે આ એક એવો ખાસ માર્ગ છે કે જ્યાંથી નાનાથી મોટા તમામ રાજદ્વારી નેતાઓ પસાર થતા હોય છે અને તું અહીં તારી બાઈસિકલ પાર્ક કરી રહ્યો છે!’
કિશોરે સ્વાભાવિક અને નિખાલસ જવાબ આપ્યો, ‘પોલીસ અંકલ, જરાય ચિંતા કરશો નહિ. મેં મારી બાઈસિકલને લોક લગાવી દીધું છે.’
(અંગ્રેજીમાંથી ભાવાનુવાદિત)
Courtesy : Sureshabhai Jani from unknown source
= = = = =
ટિપ્પણી:
કિશોરે તેની નાનકડી અને મુલાયમ હથેળી વડે સાંપ્રત નેતાગીરીને એવી લપડાક લગાવી છે કે જો તેમના ગાલ મગરની ચામડીના નહિ હોય તો તે ચચર્યા સિવાય રહેશે નહિ. એક વિધાન ‘પ્રજાકીય શાસનની ધુરા સલામત હાથોમાં હોવી જોઈએ’ના સમર્થનમાં એક વાત યાદ આવે છે: છોલેલી શેરડીના કકડાને ચાવતા એક બાળકને પેશાબની હાજત થઈ. તે વિચારે છે કે તેની સામે માતાપિતા, ભાઈબહેન અને વયોવૃદ્ધ દાદી છે; તો શેરડીનો હવાલો કોને સુપ્રત કરું! વીજળીક ગતિએ તેણે નિર્ણય કરી લીધો અને શેરડીનો કકડો દાદીમાના હાથમાં પકડાવી દીધો! અકલમંદ કો ઈશારા કાફી હૈ !!!
-વલીભાઈ મુસા (Instant Joke Maker)
= = = = =
(Abridged, adapted, summarized, edited and translated from English Jokes – All credit goes to ‘Copy Right’ possessors.)
જોક્યું, વાર્તાઓ, કાર્ટૂનો,વિડિયો, હુંશિયારીની કસોટીઓ, શબ્દ રમતો — જાતજાતની મજાઓ ‘હાસ્ય દરબાર’ પર માણી. પણ એ બધુંય એકપક્ષી જ. અમે મોકલનાર અને તમે ઝીલનાર. સરસ મજાની ઝીલણ કરી છે બાપલિયા! આપ સૌએ અમારો પોરહ ઝાઝો વધારી દીધો છે
પણ હવે અમારે ઝીલણ ઝીણવા જાવું છે!
તમને સૌને નાનકડા સર્જકો બનાવવા ઉમેદ છે. અને એ દિશામાં આ પહેલું પગલું છે.
ચાલો વાર્તા લખીએ.
પણ એમ ને એમ શી રીતે વાર્તા લખવી? અમે એક રસ્તો ગોતી કાઢ્યો છે.
વાર્તાની ચરમસીમા અમે આપી દઈએ છીએ – અને તે પણ જરાક વિચારતા કરી દે તેવી. તમારે પાંચ કે સાત લીટીઓ જ લખવાની છે.
– વાર્તાનો અંજામ એ રીતે આવે એમ કલ્પનાના ઘોડા દોડાવીને સ્તો !
તો આ રહ્યો તમારી વાર્તાનો અંત …..
…બારણું ખુલ્યું અને મારી કાર ચાલુ કરી.
હવે સજ્જનો અને સન્નારીઓ… મેદાન તમારું જ છે…
મળેલી વાર્તાઓ પાંચ દિવસ પછી રજુ કરવામાં આવશે.
आज हमारे स्थानिक डी.एफ.डबल्यु. मेट्रोप्लेक्सके सिनियरोंका स्नेह मिलन है।
ईस अनाडीको कहा गया कि, ‘मधर्स डे’ होने के जरिये कुछ लिख कर आना ।
अब हमारी उम्र वालोंको हमारी उमरका गाना ही सूझे न भला?!
तो ये रचना पेश है – सब ६० + मांओंके कदमोंमें …
[ ‘हे मां ! तेरी सूरतसे अधिक भगवानकी सूरत क्या होगी?’ – की पैरडी ]
છંદ – શાર્દુલવિક્રીડિત
ગણરચના – મ સ જ સ ત ત ગા
[ ગાગાગા લલગા લ,ગાલ લલગા, ગાગાલ ગા,ગાલ ગા ]
રાગ – ઊગે છે સુરખી ભરી રવિ મૃદુ, હેમંતનો પૂર્વમાં…
———————————————–
સાઠે જાય ઘણાની બુદ્ધિ બગડી;મારીય હાલી ગઈ!
સિત્તેરે વિસરાય લો, સહજમાં; કાલે હતું ખાધું શું?
નેવુંએ નવલા અહો! મલપતા; અલ્ઝાઈમર આવિયા!
સોએ ક્યાં પહોંચી જશે સફર આ? પૂછો મને ભાઈ ના!
લે! કર વાત. હાસ્ય દરબાર પર રડતા રે’વાની વાત? !
હા…… આ લેખ વાંચીને હસવું હોય તો હસજો અને રડતા રે’વું હોય તો રડતા રે’જો !
‘આંખનું ઓપરેશન’ – એ રડતા, માંદા માણસની મનોવૃત્તિનું આલેખન હતું. ( એ વાંચવા અહીં ‘ક્લિક’કરો . સાવ નજીવી એવી લેસર સર્જરીને કલ્પનાના ઘોડા દોડાવી, મોટી પહાડ જેવી બનાવી દેવાની, માંદલી મનોવૃત્તિની એ મહાન ગાથા હતી.
બહાર નીકળ્યો, તીં પડી જતો હોઉં તેવી કલ્પના કરી. પણ પગેય મુઆ ના લડખડાયા. આંખે થોડી ઝાંખ જેવું લાગ્યું એટલે ગોગલ્સ ચઢાવી આંખ મીંચી દીધી. કારમાં સીટ ઢાળી, સુઈ જવા પ્રયત્ન કર્યો; પણ પાંચેક મીનીટ માંડ થઈ હશે અને આકસ્મીક આંખ ખુલી ગઈ.
અને માળું બધુંય બરાબર દેખાણું હોં!
અને એ સાથે જીવનના એકમાત્ર એ ઓપરેશનનો રુવાબ ગયો; ખબર કાઢવા આવનારનાં એ ટોળાં ગયાં; એ ફળોના કરંડીયા ગયા, એ ગુલદસ્તો ગયો; એ રંગ ગયો; એ રાગ ગયો; એ સપ્સેન્સ ગયો; એ કલ્પનાની લીજ્જત ગઈ. એ લ્હાવો ગયો.
હત્તારીની! ખોદ્યો ડુંગર અને નીકળ્યો ઉંદર !
પછી તો એ ઓપરેશનનો આ દરદી લેસર સર્જરીનો માહેર બની ગયો અને ચારેક વાર રેટિના પરનો કચરો અને છારી દૂર કરાવ્યાં. એક શુભ ઘડીએ એનાથી ઘણી જટિલ એવી સર્જરી પણ કરાવી દીધી – મોતિયો ઊતરાવી, નવો નેત્રમણિ આંખમાં બેસાડવાની.
દિવ્ય દૃષ્ટિ પામ્યો!
તપ કર્યા વિના થોડી જ સિદ્ધી મળે છે?
‘You have to lose something
to gain something.’
એ રડમસતા તો ગઈ તે ગઈ જ. હાદજન એવા આ જણને ‘હસ-વા’ થયો છે; એક જાતનો વા – ‘લખ-વા’ જેવો – ‘હસયોગ’ !! હવે સતત હસ્યા જ કરો તો શું થાય? આંસુ સૂકાઈ જ જાય ને? ગમે તેવા ઓપરેશન્યું ખમી ખાવાની ક્ષમતા કેળવી.
પણ એના થકી વળી આ નવી નક્કોર મોંકાણ!
કાળજડાની કોર નિચોવી આંખોથી ટપકતા આંસુ
અનહદ ખુશી થાય કદી જો દોડી આવે અધીરા આંસુ
ક્યારેક વળી યાદ બની કોઈ પ્રીયની સતાવે આંસુ
વિરહની ફરિયાદ બની હરદમ રે તડપાવે આંસુ
સંબંધોના બંધનોમા કેવારે અટવાતા આંસુ
દુખની પ્રીત કરી હો ભલે સુખની પ્રીત વલખતા આંસુ
પ્રસાદ આર. માહુલીકર
– મણીનગર, અમદાવાદ, ગુજરાત
( સાભાર – ઝાઝી ડોટ કોમ – અહીં)
પણ ન્યાં કણે તો હરખનાં આંસુ પણ સૂકાઈ ગયા! અને ઉપડ્યો આંખોનો દુખાવો. આંસુ જ ન આવે એટલે આંખોનો કચરો સાફ ન થાય, જમા થાય અને દુખાવો પેદા કરે– ડાગટરિયાઓની થિયરી પરમાણ !
અને એ દુખાવાની દવા લેવા આંખોના ડાગટરને ફરીથી ઝાલ્યા. એમણે આંખમાં બે ત્રણ જાતની દવાઓ નાંખી, આ હાદજનને રડતો કરી દીધો! જાત જાતનાં યન્ત્રો વાપરી ચકાસણી કરી અને નિદાન જાહેર કર્યું!
તમારી આંખો સૂકી રહે છે – આંસુ આવે તેવાં ટીપાં દિવસમાં ત્રણ ચાર નાંખજો અને…
રડતા રે’જો !
‘આદિલ’ ઘરેથી નીકળ્યો, મિત્રોને શોધવા
ઓ! દુશ્મની તું ક્યાથી સામી મળી ગઈ?
– સ્વ. આદિલ મન્સુરી
સવારના પહોરમાં કશાક સંદર્ભમાં સ્વ. આદિલ મન્સુરીની એક ગઝલના મત્લાનો આ શેર ગણગણતાં અચાનક જ એ મહાન વિચાર સ્ફૂર્યો. આદિલજીને સ્વર્ગસ્થ કહેવાય? એ જનાબ તો જન્નતમાં ગયા હશે, માટે જન્નતનશીન શબ્દપ્રયોગ વાપરવો ન જોઈએ?
અને તરત આ અદકપાંસળી જીવને બીજો અને વધારે મહત્વનો વિચાર સ્ફૂર્યો. આટલા બધા સ્વર્ગસ્થ કે જન્નત નશીન કે ‘હેવન’વાસી થાય તો શું નરક ઉર્ફે જહન્નમ ઉર્ફે હેલ ખાલીખમ હશે?!
એમ તો કેમ બને? અને પછી નર્કસ્થોનું લિસ્ટ બનવા લાગ્યું. હિટલર, મુસોલિની, ઈદી અમીન, રાવણ, અમીચંદ, મીરજાફર વિ. વિ. અને …..અગણિત, અનામી ગુંડાઓ, ચાંચિયાઓ, રાક્ષસો પણ ખરા જ ને? દુનિયામાં નર્કસ્થ થવાની લાયકાત ધરાવતા ખવીસોની કાંઈ ખોટ છે?!
અને આ લેખનું શિર્ષક જ જોઈ લો ….
નર્કસ્થ ….સુરેશ જાની !
પણ એ તો કદાચ આ જણનું મરણોત્તર સંબોધન થવાનું. હાલ તો નર્કમાં નહીં – પણ આખી દુનિયાના લોકો જ્યાં સ્થળાંતર કરવા તલસે છે તેવા, પૃથ્વી પરના સ્વર્ગ જેવા અમેરિકામાં આ જણ ગુડાણો છે!
ખેર, તમે કહેશો, ‘સવાર સવારમાં પ્રાતઃસ્મરણીય લોકોનાં નામ યાદ કરવાને બદલે નર્કસ્થ લોકોને શીદ યાદ કરવા લાગ્યા?’
પણ આ વિચાર સ્ફૂર્યો એટલે એને જસ્ટિફાય તો કરવો જ રહ્યો ને? ( હવે આ ‘જસ્ટિફાય’ નું ગુજરાતી કોણ કરી દેશે?)
‘આપણે જ હમ્મેશ સાચા.’ એ કદાચ નર્કસ્થ થવાની લાયકાતની એક પાયાની જરૂરિયાત નથી વારૂ?! વળી બધા સ્વર્ગસ્થ થવાની જ લાયકાત ધરાવતા થઈ જાય તો ચિત્રગુપ્તની નોકરીનું શું?! ઉપરવાળાને એ આખી ઓફિસ જ બંધ કરવી પડે ને? અને નર્કની જગ્યાને સ્વર્ગમાં ફેરવવામાં કેટલી બધી કડાકૂટ? વૈતરણીને ગંગા બનાવવી પડે અને થોરિયાંને કલ્પવૃક્ષ અને કરડી કરડીને ટૂકડે ટૂકડા કરી નાંખતા મગર મચ્છોની જગ્યાએ જન્નતની હૂરો …..અને આવું તો ઘણું બધું.
નર્કના પાયાના હોવાપણાનો બીજો એક ફાયદો પણ છે. નર્ક છે તો, સ્વર્ગ માટે ધખારો છે. ધારો કે, આખું વિશ્વ સ્વર્ગ બની જાય તો એમાં મજા જ શી? જીવન માટે કોઈ આદર્શ જ ન રહે. કોઈ ધ્યેય જ નહીં. સત્યના રસ્તા પર આગળ વધતા રહેવાની કોઈ ધગશ જ ન રહે.
જીવનમાં અમૃત જ અમૃત હોય તો?
કદાચ જીવવું ઝેર જેવું ન લાગે?
તમે એક એવી ફિલ્મની કલ્પના કરો કે, જેમાં કોઈ વિલન જ ન હોય. છટ! એવી ફિલમની જ ફિલમ ઊતરી જાય. બોક્સ ઓફિસ પર કાગડા ઊડે! વિલન છે તો હીરો છે! જમણમાં માત્ર બાસુદી, બરફી અને માલપુવા જ હોય તો? કારેલાના શાકની પણ એક લિજ્જત નથી હોતી?
અને સાચું કહો.. એ વિલનોને નર્કસ્થ થવા લાયક બનાવ્યા કોણે? એમની માતાઓએ તો ફૂલ જેવાં કોમળ અને દેવદૂત જેવાં ભૂલકાંઓને જ જન્મ આપ્યો હતો ને? બાળ રાવણ અને બાળ રામમાં કશો ફરક હતો; એવું કયું રામાયણ કહે છે? એ નવજાત શિશુ રામ બનશે કે રાવણ – એને માટે એમની માતાઓ નહીં, આપણે, આપણો સમાજ જ જવાબદાર નથી? ? શું બાળ ઈદી અમીન ને બાળ નેલ્સન મંડેલામાં કોઈ ફરક હતો? એમના જીવનના રસ્તા કયા પરિબળોને પ્રતાપે જૂદી જૂદી દિશાઓમાં ફંટાયા?
આવા પ્રશ્નો પૂછીને હું એમ સ્થાપિત કરવા નથી માંગતો કે, રાવણ આપણી આદર્શ મૂર્તિ હોવી જોઈએ કે, રામ મંદિરના સ્થાને રાવણ મંદિરો બનાવવા માંડવા જોઈએ. માત્ર એટલું જ દીવા જેવું, સત્ય વાચક મહાશયને વિદિત થાય કે, રાવણ વિના રામ પ્રસ્તુત નથી! રાવણ વિના રામાયણ ન સર્જાઈ શકે! શેરીની રોજબરોજની રામાયણોના જનકો આપ નથી – ગળે રૂમાલ બાંધેલા, ગોગલ્સધારી ગુંડાઓ છે!
જો એ નથી તો બધા સામાન્યો જ સામાન્યો! ખેર,એ સામાન્યોમાંથી ગંયાગાંઠ્યા ચમરબંધીઓ – ઉદ્યોગ પતિઓ, રાજ્યકર્તાઓ, ધધુપપૂઓ થવાના. પણ માળુ એ બધા નર્કસ્થ થવાના કે સ્વર્ગસ્થ – એ પણ એક વિચાર કરવા જેવા વાત નથી ?!
ખેર, આદિલજીની જેમ સૌ કોઈ ઘેરથી તો મિત્રો ગોતવા જ નીકળી પડતા હોય છે. પણ ન જાણે કેમ- સામે દુશ્મનો ભેટાઈ જાય છે- અને યુદ્ધો જ યુદ્ધો. આખું આયખું એક સમરાંગણ. હવે આ સદીઓ પુરાણી સમાજ વ્યવસ્થાનો જનક સ્વર્ગસ્થ હશે કે નર્કસ્થ?! બીજી રીતે જોઈએ તો – જો જગતની બધી રચના એ ઉપરવાળાએ કરી છે તો નર્કનો સર્જનહાર પણ ઈવડો ઈ જ ને?
લો! જોઈ લો…
ગુજરાતી નેટ જગતમાં એક માત્ર……
જો કે, દાદા ભગવાન તો છાતી ઠોકી ઠોકીને કહે છે કે, ‘એનો કોઈ બાપોય બનાવનાર નથી. એ બધું ‘વ્યવસ્થિત’ છે.”
આમ નર્ક પણ એક વ્યવસ્થિત રચના છે!
નર્કસ્થનું સંબોધન સ્વર્ગસ્થ જેટલું જ પ્રચલિત થવું જોઈએ.
– એ પ્રતિપાદિત થયું
– ઈતિ સિદ્ધમ્ ॥
અને હવે તમારા મનમાં એક સંશય ઊભો કરવા આ લખનાર કદાચ સફળ નીવડ્યો છે-
નર્કસ્થ થવું કે સ્વર્ગસ્થ ?!!!!!!!!!
“અરે, ભાઈ! શિયાળામાં તો કરા પડે. એમાં શી નવી નવાઈ?”
“પૂર્વ કાંઠે નેમો તો આવશે ત્યારે આવશે પણ …આ શિયાળામાં બે મહિનાથીય વધારે વખત પહેલાં અમેરિકાના પશ્ચિમ કાંઠે કરા પડ્યા.”
“લે! કર વાત.. આ વળી હાદ પર કાંક નવું લાવ્યા.”
“ના ભાઈ ના ! આ ગપગોળા નથી. હાવ હાચી વાત.”
——————————-
વાત જાણે એમ છે કે, કરા પડ્યા અને અમે ચિંતાગ્રસ્ત થઈ ગયા. ‘અમે’ એટલે જૂનાગઢવાસી અશોક મેરામણ નહીં ; પણ આતા, રાત્રિ અને હું – ત્રણ જણા.
૨૬ ડિસેમ્બરે ઉતરાણ….
“ લો! ફરી પાછો ગોટો વાળ્યો ને? ૧૪ જાન્યુઆરીએ ઉતરાણ હોય.”
ભાઈલા કે બેનબા, વાત તો પૂરી કરવા દ્યો. ૨૬મી ડિસેમ્બરે આ સુજાનું ડલાસ એરપોર્ટ ખાતે ઉતરાણ અને બે દા’ડા પોરો ખાઈ, જેટ લેગ ઊતારી, નેટ પર ફરી કામે ચઢી જવું. નેચરલી (ગુજરાતી પ્રેમીઓ માટે– સ્વાભાવિક રીતે !) માઉસ ફેરવતાં જૂના ઈ-મિત્રો હાથવગા થઈ જ જાય. અને થઈ પણ ગયા – એક સિવાય.
કરા (ડો. કનક રાવળ , પોર્ટ્લેન્ડ, ઓરેગન )
થોડાક દિ થયા અને આ અદકપાંસળી જીવને ધરપત ના રહી અને ફોન કર્યો. એક વાર… બે વાર… ત્રણ વાર… ચાર વાર…
પણ કોઈ ઉઠાવે જ નૈ !
આ જણને થયું – ભારતીબેન અને કનક ભાઈ ક્યાંક ફરવા ગયા લાગે છે. પણ ઓરેગન સ્ટેટનું કોઈ જણ ભર શિયાળે ફરવા જાય ,ઈમ નો બને . પણ કદાચ ગરમાવો મેળવવા ફ્લોરિડા પોંચી જ્યા હોય- એમ વિચારી એમના ખાસંખાસ મિત્ર ‘આતા’ને ફોન કરી પૂછી જોયું. પણ એ ભલા માણસને પણ એમની કોઈ ભાળ નો’તી.
અને હવે આ સસ્પેન્સ તોડવો શી રીતે?
આમ વિચાર ચાલતો હતો ; એટલામાં જ કરાને સદ્ મતિ સૂઝી કે, એમનો ઈમેલ મળ્યો.
ત્યારે ખબર પડી કે…
કરા પડી ગયા હતા.
બિમાર પડી ગયા હતા!
…….. અને સજ્જડ બિમારી; જાતજાતની અને ભાતભાતની તકલિફો અને માંડ માંડ, કાબેલ ડાગટરિયાઓના પ્રતાપે પાછા ઊભા થયા હતા – સોરી પથારીમાં બેસી શકતા થયા હતા! બિન સત્તાવાર માહિતી મૂજબ ૬૦+ પુરૂષોને નડતી પ્રોસ્ટ્રેટ એમને નડી ગઈ હતી.
પણ અહીં વાતનું પિષ્ટ પેશણ કરવાની મતલબ એ છે કે, આ સમાચાર મળ્યે ત્રણ ત્રણ અઠવાડિયા થયા છતાં, ભારતીબેન એમની ઉપર બરાબરના મોનિટર વેડા કરે છે. આ સમય દરમિયાન એમને મારી સાથે બે જ વખત વાત કરવા દીધી છે. અને ઈમેલ મોકલવા પણ સજ્જડ પ્રતિબંધ.
કેટલા હરખ હતા? કેટલા અરમાન હતા? એમને મારી દેશયાત્રાની વાત્યું વંચાવવાના? પણ એ બધાય પર પાણી ફેરવી દીધું – આ ભારતી બોને જ તો !!
અમારા આ સુ.જા.ની માધવપુર આશ્રમની યાત્રા પર એક જ શબદ- ‘અદ્ભૂત’.
હવે ભાઈ શ્રી કરા અને શ્રીમતિ કરા, થોડીક તો દયા માયા રાખો.
હવે કમસે કમ આજના સપ્પરમા દિવસે, જ્યારે આપ શ્રીમાન ત્યાંસીમા વરસમાં પ્રવેશી રહ્યા છો; ત્યારે અમારી શુભેચ્છાઓ સ્વીકારવા અહીં પધારશો? ( ડલાસ નહીં …. હા દ પર! )
Key to abbreviations: inf = informal, frm = formal, >m = said to males, >f said to females, m = said by males, f = said by females.
| Language | Happy birthday | ||
|---|---|---|---|
| Afrikaans | Gelukkige Verjaarsdag | ||
| Albanian | Gëzuar Ditëlindjen | ||
| Aleut | Raazdinyaam Ugutaa | ||
| Amharic | መልከም ልደት (melekame lidete) | ||
| Arabic (Lebanese) |
3id miled sa3id | ||
| Arabic (Modern Standard) |
(kul ‘am wa antum bekheir) كل عام و أنت بخير (eid mīlad sa’aīd) عيد ميلاد سعيد |
||
| Arabic (Egyptian) |
كل سنة و إنت طيّب (kull sana wa inta tayyib >m, kull sana wa inti tayyiba >f) و إنت طيّب response – (wa inta tayyib >m, wa inti tayyiba >f) |
||
| Armenian (Eastern) |
Ծնունդդ շնորհավոր (Ts.nundet shnorhavor) |
||
| Armenian (Western) |
շնորհաւոր ծննդեան տարեդարձ (shuhnorhavor dzuhnuhntyan daretarts) |
||
| Aromanian | Ti multsã-anji! Uràri cu-ucazea-a dzuùãljei di-aflari | ||
| Azeri | Ad günün mübarək | ||
| Basque | Zorionak zuri | ||
| Belarusian | З днём нараджэння (Z dniom naradžennia) | ||
| Bengali | শুভ জন্মদিন (shubho jônmodin) | ||
| Bhojpuri | जन्मदिन मुबारक हो (janmdin mubarak ho) | ||
| Bosnian | Sretan rođendan | ||
| Breton | Deiz ha bloaz laouen / Kalz a vloavezhioù all | ||
| Bulgarian | Честит рожден ден (Čestit rožden den) | ||
| Catalan | Per molts anys / Bon aniversari / Moltes Felicitats | ||
| Cebuano | Malipayong Adlawng Natawhan | ||
| Chamorro | Felis Kumpliåños / Biba Kumpliåños | ||
| Chechen | Вина де декъала хуьлда хьан (Wina de deqil xilda ha) – m Йина де декъала хуьлда хьан (Yina de deqil xilda ha) – f |
||
| Cherokee | ᎤᎵᎮᎵᏍᏗ ᏂᏣᏕᏘᏯ (ulihelisdi nitsadetiya) | ||
| Chinese (Cantonese) |
生日快樂 (sàangyaht faailohk) | ||
| Chinese (Hakka) |
生日快樂 (sang1ngit7 kuai5lok8 | ||
| Chinese (Hokkien) |
生日快樂 (Sen-jít khoài-lók) | ||
| Chinese (Mandarin) |
生日快樂 [生日快乐] (shēngrì kuàilè) | ||
| Chinese (Shanghainese) |
生日快乐 (sangniq khuâloq) | ||
| Chinese (Taiwanese) |
生日快樂 (seⁿ-ji̍t khòai-lo̍k) | ||
| Cornish | Penn-bloedh Lowen | ||
| Corsican | Felice anniversariu | ||
| Croatian | Sretan rođendan | ||
| Czech | Všechno nejlepší k narozeninám! | ||
| Danish | Tillykke med fødselsdagen | ||
| Dhivehi | (ufaaveri ufandhuvaheh) އުފާވެރި އުފަންދުވަހެއް | ||
| Dutch | Gelukkige verjaardag Gefeliciteerd met je verjaardag Fijne Verjaardag Van Harte Gefeliciteerd Van Harte Gefeliciteerd met je verjaardag |
||
| Esperanto | Feliĉan datrevenon / Feliĉan naskiĝtagon / Feliĉan naskiĝfeston | ||
| Estonian | Palju õnne sünnipäevaks | ||
| Faroese | Tillukku við føðingardegnum | ||
| Fijian | Vanuinui vinaka ki na nomu siga ni sucu | ||
| Finnish | Hyvää syntymäpäivää | ||
| Gelukkige verjaardag | |||
| French | Joyeux anniversaire / Bon anniversaire Bonne fête (in Quebec) |
||
| Friulian | Bon Natalizi | ||
| Galician | Bon aniversario / Feliz aniversario | ||
| Georgian | გილოცავთ დაბადების დღეს (gilocavth dabadebis dghes) – frm გილოცავ დაბადების დღეს (gilocav dabadebis dghes) – inf |
||
| German | Alles Gute zum Geburtstag Herzlichen Glückwunsch zum Geburtstag |
||
| Greek (Modern) | Χρόνια Πολλά! (Hróña Pollá) Χαρούμενα Γενέθλια! (Harúmena genéthlia!) |
||
| જન્મ દિન મુબારક (janm din mūbārak) | |||
| Haitian Creole | Bonn fèt / Erez anivèsè | ||
| Hausa | Barka da sabon shekera | ||
| Hawaiian | Hauʻoli Lā Hānau | ||
| Hebrew | (Yom Huledet Sameakh) יום הולדת שמח | ||
| Hindi | जन्मदिन मुबारक हो (janmadin mubārak ho) जन्मदिन की हार्दिक शुभकामनायें (janmadin kī hārdik śubhkāmnāyeṅ) सालगिरह मुबारक हो (sālgirah mubārak ho) सालगिरह की हार्दिक शुभकामनायें (sālgirah kī hārdik śubhkāmnāyeṅ)
|
કરા …. તમે પડ્યા એનો અમને અફસોસ અને દિલગીરી છે. પણ તમે હવે વરસો … વરસો વરસ વરસતા જ રહો …
ભારતીબેન કરાને વરસવા દેશો ને? સેન્ચ્યુરી પુરી કરે ત્યાર લગણ ?
થેલીમાંથી સુગંધી સોપારી કાઢીને મુખવાસની મઝા માણી રહ્યો હતો; ત્યાં મને અળવીતરું કરવાનું સૂઝ્યું –
‘ આમેય હાદજન ખરો ને?’
શું અળવીતરું?
ઇજિપ્તની સફરનું અવનવું અહીં માણો…..
હાસ્ય દરબાર 
વાચકોની ગોલંદાજી!