હાસ્ય દરબાર
ગુજરાતી બ્લોગ જગતમાં રોજ નવી જોક અને હાસ્યનું હુલ્લડ
એક અધૂરું પ્રેમકાવ્ય – અનિલ ચાવડા
Posted by on મે 4, 2021
વર્ષો બાદ એણે ખુદ સામેથી મને કહ્યું,”આઈ લવ યુ, ડૂ યૂ લવ મી?”
ત્યારે હું
એક ઊં…ચા પર્વતની ટોચ પરથી
ખીણ તરફ ઢળેલા ઝાડની ડાળી દાંત વચ્ચે દાબીને
કપાયેલા બે હાથ સાથે
નિ:સહાય લટકી રહ્યો હતો,
જો બોલુંતો ખીણમાં જાઉં
અને
ન બોલું તો પણ….
– અનિલ ચાવડા
આ કવિતાનું પઠન પણ સાંભળોઃ
હાસ્ય દરબાર 
અનિલભાઈ મોટા ગજાના કવિ કહેવાય, એટલે આપણે માશાલ્લા તો શું ઈનાયત કહેવું પડે. પણ ભલાદ’મી આમ દાંત વડે ડાળી ચ્યમ પકડવી પડી?
એના કરતાં હાસ્ય દરબાર પર ‘દાંત કાઢવા’ આવતા હો તો?
LikeLike
હાદ ઉપર પદાર્પણ થયું તો છે જ ને! ખૂબ વ્યસ્ત રહેતા મનેખને શરમે શહીદ નોં કરાય. મેં તો હઝલ માગી હતી અને આપણને બબ્બે વીડિયો સાથેની હાસ્યરચના મળી. હવે ભાયા વાર્તાઓ તરફ વળ્યા છે, જે ગુજરાતી સાહિત્યની ખુશનસીબી છે. તેમની વાર્તાઓમાં કવિજીવ પરોવાયેલો જોવા મળે છે. આપણી હોટલમાં યોજાયેલ એક લઘુ મહેફિલમાં તેમની હાજરીએ રંગ જમાવ્યો હતો. ‘કુમાર સંભવમ’માં એક આ મતલબનો શ્લોક આવે છે : ‘પવનને કોણ કહેશે કે તું અગ્નિનો પ્રેરનાર થા.’ તેઓ આ પ્રતિભાવ વાંચીને હાદમાં જોડાઈ જાય તો આપણાં અહોભાગ્ય!
LikeLike
કવિશ્રી અનિલ ચાવડાનુ આ રમુજ કરાવવાનુ સ્વરુપ ગમ્યું. આવી બીજી વીડીયો હોય તો માણવાની ગમશે
LikeLike