હાસ્ય દરબાર

ગુજરાતી બ્લોગ જગતમાં રોજ નવી જોક અને હાસ્યનું હુલ્લડ

ગઝલાક્ષરી – Collectiion + Mahendra Shah

 

ગઝલાક્ષરી ૬૪
કૌન કહેતા હૈ કિ બેકાર હૈ પટેલ;
સબસે દિલદાર ઔર દમદાર હૈ પટેલ.

Posted: Krishna Patel

બેકારની તો ખબર નથી પણ બે કાર રાખે છે પટેલ;

એક નહીં તીન ચાર મોટેલ કે માલિક હોતે હૈં પટેલ!

મહેન્દ્ર શાહ
હું માંગું ને તું આપે ઈ મને મંજુર નથી
‘ને હું માંગું ને તું ના આપે ઈ પણ મને મંજુર નથી !!
Art Attack

માગેલ નહીં આપવાનું ને ના આપેલ માગવાનું;
આપણું આ માગવા આપવાનું મને મંજુર નથી!
મહેન્દ્ર શાહ

રાખું તો કેમ રાખું હું તારાથી દૂરતા,
હર શ્વાસ લથડી જાય છે,તારા અભાવમા.

વિનોદ નગદીયા ( આનંદ )

Posted: ગીતા દોશી

શ્વાસને જોઈ હું પણ લથડીયાં ખાતો થઈ ગયો;

બાકી પીવાની આદત ક્યાં છે મારા સ્વભાવમાં?

મહેન્દ્ર શાહ

‘વેપારીઓ’ ભીખારીઓ બનાવશે જમીલ,
સાચ્ચી વાત મારી અંતે યાદ આવશે !!!!
– મનહર જમીલ

બધા જ ભીખારીઓ બની ગયા જમીલ;

તો વેપારીઓ પાસે ખરીદવા કોણ આવશે?

મહેન્દ્ર શાહ

મંદિરની દીવાલ ઉપર થાય તે અમીઝરા,
અને ઘરની દીવાલ ઉપર થાય તે ભેજ.
– રોહિત શાહ. — Posted: Arvind Patel

અમારે પીટ્સબર્ગના હીંદુજૈન ટેમ્પલમાં શીખરો દ્વારા સીલીંગમાં થઈ વરસાદનું પાણી લીક થવા માંડેલ, ઘણા પ્રયત્નો પછી પણ બંધ થયેલ નહીં. ટેમ્પ્લમાં જાવ તો ઠેર ઠેર ડોલ મૂકેલ હોય, અને એમાં સીલીંગમાંથી ટપકેલ પાણી ભેગું થયેલ હોય. બહારગામથી આવનાર દર્શનાર્થી શ્ર્દ્ધાળુંઓ આને ભગવાનના પક્ષાલનું નમણ સમજી  હાથમાં લઇને બે આંખે લગાવતા અને ત્યાં પૈસા મૂકતા! Thank god.., મંદીરના જીર્ણોધ્ધારમાં એ પૈસા કામમાં આવેલ!
મહેન્દ્ર શાહ

બહુ લખ લખ કર્યું નટવરે કોઈની યાદમાં, ફરિયાદમાં;
તો ય લખવાની હતી જે કવિતા હજુ સુધી નથી લખાઈ!.
નટવર મહેતા, posted: Sanatkumar Dave

ભલે લખાઈ નથી હજું લખવાની છે જે કવિતા તમારાથી;
છતાં લખી છે તમે જે કવિતાઓ, છે એક એકથી સવાઈ!
મહેન્દ્ર શાહ

‘ભર વરસાદે અમે કોરા રહ્યાં
કોઈએ છત્રી ધરી પલળી ગયા !’
– કિસન સોસા

Posted: Pruthu Lakhpatwala

એટલેથી જ પત્યું હોત તો તો સારું;

પણ છત્રી સાથે અમે લપસી પડ્યા!

મહેન્દ્ર શાહ

ગલકાં : ભારતની 90 % બહુમતી જેવાં ઉપેક્ષીત અને ‘સસ્તાં’ !….એમાંય,
તાવ કહે, તુરીયામાં વસું ;
ગલકું જોઇને ખડખડ હસું !
જેવા પરંપરાગત ખ્યાલ હોય ત્યાં પુછવું જ શું ???
હલકાં, મીઠાં અને સુપાચ્ય. પણીભર્યાં હોઈ જલદી ચઢે. સરસીયાના તેલમાં લસણમાં વઘારીને બનાવેલું શાક, ગલકા ખીચડી, ગલકા ભજીયાં…. વાહ!!!

Inspired : મનહર જામીલની વાડીમાં

ઉગાડેલ શાકભાજીનાં પીક્ચર પરથી.

(Picture not shown )

ગલકાં તુરીયાં કારેલાં કંકોડાં કાકડી ચોળી દુધી, શું છે આ બધું?

અમારા માટે પણ રાખજો, શાક બાનાવો તો બનાવજો થોડું વધું!

 

મહેન્દ્ર શાહ

એ વાતનો મને દોસ્ત, જરા ય ન હતો અંદેશ;
મારા વહાલા વતને વિસરાવી દેશે આ પરદેશ.

દૂર દૂર જરૂર કોઈ મને વારે વારે યાદ કરે છે;
એથી હર કદમ કદમ પર લાગે મને અહિં ઠેશ.

સમજવો,સમજાવવો બહુ અઘરો છે મારા પ્રેમને;
સમજે તો સમજાય,નાસમજ સમજે એને આવેશ.

રાત પણ જરૂર રડી છે મારી સાથે વિરહમાં કોઈના;
સવારે ફૂલો પર હોય છે ઓશ રૂપે આંસુના અવશેષ.

એ શું જાણે કેટલાંયનાં હૈયા થઈ જાય છે ઘાયલ!
સદ્યસ્નાતા જ્યારે અગાશીએ આવે સૂકવવા કેશ.

બની પિતા પુત્ર પતિ પ્રેમી ભાઈ કાકા મામા માસા;
જગતના તખ્તે ભજવ્યા કરું છું હું જુદા જુદા વેશ.

આ આયનાનું મારે શું કરવું એ સમજાવ યાર મને;
હું એનો એજ રહી ગયો, બદલ્યા રાખે એ પહેરવેશ.

છે સીધી સાદી, નથી ગહન નટવરની કવિતાઓ;
હોય છે એમાં સાવ સાચો સાચા પ્રેમનો એક સંદેશ.

નટવર મહેતા

દેશ પરદેશ, વેશ પહેરવેશ, આવેગ, આવેશ પર ઘણા આપ્યા સંદેશ તમે;

નથી રાખ્યો શબ્દ એક બાકી પ્રાસ બેસાડવા મારા માટે લખું શું હું વિશેષ?

મહેન્દ્ર શાહ

સંગાથે તારી હ્રદય ઉત્સવ બની ઉજવાય છે;
વિરહમાં તારે લખેલા કાગળિયાં કોરા વંચાય છે .

રેખા પટેલ

લખેલા કાગળિયા જો કોરા વંચાય તો;

મોંડા વહેલા ચશ્માના નંબર બદલાય છે!

મહેન્દ્ર શાહ

વગર પાંખે કેમ પેલે પાર ઉડાય છે ?
મન સાત સમંદર સુધી ફેલાય છે

રેખા પટેલ

સાત સમંદર પાર કરવા પાંખોની ક્યાં જરૂર છે?

ઢગલાં વિમાનો ઉડે છે, ને તમને તો પોસાય છે!

મહેન્દ્ર શાહ

કેમ તારા લગ ભલા પ્હોચી શકું હું ?
હું જ ઊભો છું મને જ્યાં આંતરીને
હેમંત ગોહિલ “મર્મર ”

કહી દો હું ને છાતી ઠોકીને, કે એ આગો ખસે;
એના લગ ચાલી ને નહીં તો, પહોચીશ તરીને!
મહેન્દ્ર શાહ

હું ને કહો જાય છે કે નહીં, કે પછી;

કાઢું તને દોરા ધાઘાથી કે મંતરીને!

મહેન્દ્ર શાહ

અઘરા દાખલા પણ સ્નેહના સરવાળા નિકળે,
મહાદેવથી ય ભોળા તમારા ઘરવાળા નિકળે,
પણ નક્કી કરતા પહેલાં તપાસ કરજો પુરી,
:
:
:
:
:
:
:
:
ક્યાંક એવું ન બને કે ભ’ઇ રૉબર્ટ વાડરાના સાળા નિકળે!

બધિર અમદાવાદી

જેમ જેમ ગુસતા ને ગુસતા જાવ અંદર ને અંદર;

 તેમ વધારે ને વધારે ગોટાળા પર ગોટાળા નીકળે!

મહેન્દ્ર શાહ

તરફડવામાં મૌસમને બરબાદ ક્યાં કરે છે ,
તરસ લાગે તો લાગણી પીવાની ક્યાં ના છે !
~ પૂર્વી, Posted: Rekha Shukla

તરફડવામાં મોસમ બરબાદ ના કરવી હોય તો;

લથડવામાં વપરાય છે એ પીવાની ક્યાં ના છે?

મહેન્દ્ર શાહ

કાચી ઉંમરના આ શિયાળાની સવારે

અધખુલી મારી બારીને અવગણી

જ્યારે તડકો અને પવન

સંતાકુકડી રમવા આવી ચડે છે,

ત્યારે હું હળવેથી બારી બંધ કરી ,

કોઈ એમનો થપ્પો કરી ના દે

એનું ધ્યાન રાખવામાં જ

સાંજ પાડી દઉં છું….

Saket Dave

શિયાળામાં જેટલી કવિતા લખવી હોય એટલી લખો,

પણ બારી બંધ કરીને, કડકડતી ઠંડીમાં હું થરથરૂં છું!
મહેન્દ્ર શાહ

આ એક ભૂલવાની આદત ભુલાતી નથી…
ખુબ યાદ કરું પણ ભૂલાતું નથી
બીપન દેસાઈ..

ના ભૂલવાનું ભૂલાઈ જવાય છે ને;

ભૂલવાનું ભૂલથી ય નથી  ભૂલાતું!

મહેન્દ્ર શાહ

<<<<< તાલી પાડુ છું!>>>>>

વ્યક્તિ ઓળખું કે ન ઓળખાય, તાલી પાડુ છું!

ભાષણ સમજાય કે ન સમજાય, તાલી પાડુ છું!

તાલી મારે પાડવી કે ન પાડવાની માથાકૂટ છોડી,

મોં ભલેને પ્રેક્ષકોનું પછી મરડાય, તાલી પાડુ છું!

પાર્ટી સંગીતની હોય કે હોય ક્યાંય ભજનો પછી,

ગાનાર સાંભળીને પછી હરખાય, તાલી પાડુ છું!

માઇક મળતાં ભાન સમયનું જે ભૂલી જતા હોય;

બેસી જવાનું એમને પછી સમજાય, તાલી પાડુ છું!

મહેમાનોને સાંભળી, તાલીઓથી વઘાવ્યા પછી,

ઘરકી મુરઘી દાળ પછી ન કહેવાય, તાલી પાડુ છું!

તાલી પાડવની ટેવ પડી ગઇ છે હવે તો એવી,

જાત મારી પછી સૌને પરખાય, તાલી પાડુ છું!

સરી જાય શબ્દો ગઝલના સમજ્યા વગર સૌને

‘ચમન’ પછી એકલો ન પડી જાય, તાલી પાડુ છું!

***************

ચીમન પટેલ ‘ચમન’ (૧૭નવેમ્બર’૧૩)

ભલે લોકોને જે કહેવું હોય તે કહે, બાકી હું તો;

ગઝલ તમારી ખૂબ માણીને જ તાલી પાડું છું!

મહેન્દ્ર શાહ

કહું છું સાકીને જયારે મને શરાબ તો દે,
કહે છે આગલો બાકી છે એ હિસાબ તો દે.

મરીઝ,

Posted:

Mohan Vaghela

આગલા કેટલા બાકી છે પહેલાં એ તો કહે, વળી;

કોને આપ્યા ને તું રહી ગઈ, એનો જવાબ તો દે!

મહેન્દ્ર શાહ

Levis નુ જીન હોય,
Armani સુટ હોય,
BMW કાર હોય,
અનિલ અંબાણી ના ઘરની બાજુમાં બંગલો હોય,
અને…..
” ટીના અંબાણી “આવીને પુછે –

” વાટકી ખાંડ મળશે ? “

Pruthu Lakhpatwala

ટીના અંબાણીની જ લાઈફ મસ્ત જો હોય, તો;

શું કામ આવી તમારે ત્યાં, વાટકી ખાંડ માગશે?

મહેન્દ્ર શાહ

સોચ બદલો
દુનિયા બદલો
..
..
કે ન બદલો
પણ
સવારે ઉઠીને
ચાદર જરૂર બદલજો ..

અધીર અમદાવાદી

તમે ચાદર બદલવાની વાત કરો છો;

ઘણા તો પથારી જ બદલી નાખે છે!

મહેન્દ્ર શાહ

ન પૂછો હવે કોઈ મારી ખામોશીનો સબબ;
મને બસ એમની ખામોશી સાથે મતલબ.

ઇશ્કની વાતો હોય છે સાવ અનોખી દોસ્ત;
સીધા સાદા ઇન્સાનને બનાવી દે એ રબ.

દિલની વાતો લખી રાખું છું હું તો આંખોમાં;
પ્રેમાલાપમાં છે બહુ ઉપયોગી આ કરતબ.

મિસ કોલ આપીને કરે કોરો એસએમએસ;
આ રીત એની મારાથી ય ભાઈ છે ગજબ.

સાકી હર ગલીમાં સજાવી દે તું મયખાના;
નહીંતર માંડી દે હર રસ્તે તું મયની પરબ.

એક નજરે પીતો રહું છું એના રૂપને હરદમ;
તો ય છીપાય પ્યાસી નજરોની આ તલબ.

છે જિંદગીમાં કેટલાં ય વણ ઊકેલ્યા કોયડા;
કોયડો એના પ્રેમનો નટવર છે સહુથી અજબ.

નટવર મહેતા

બસ એક વાર કહી દો અમને કઈ જાતની ખાવ છો બદામ તમે;

કે જેથી ઉતરે છે પાક ગઝલોનો દીમાગમાંથી તામારા મબલખ?

મહેન્દ્ર શાહ

સૂરો છે અહીં સંગીત નથી,
મીઠી ભાષા પ્રચલિત નથી,
સૌ પાસે હોઠ ગુલાબી છે
હોઠો પર રમતું સ્મિત નથી.

– હેમેન શાહ

Posted: Pruthu Lakhapatwala

ઘોંઘાટ છે ઘણો બધો અહીં;

પણ ક્યાય મધુર ગીત નથી!

મહેન્દ્ર શાહ

મેં જીંદગી જીવી એકદમ સરળતાથી,,
તોયે તને મારી જિંદગી લાગી પઝલમાં.

દીપક જરીવાલા

નસીબદાર છે એ પઝલ સાથે પણ, અમારું તો કામ નહીં;

કમ સે કમ તમે ઉતારો તો છો એને સરળતાથી ગઝલમાં!

મહેન્દ્ર શાહ

“અમારી જિંદગીનો આ સરળ સીધો પરિચય છે,
રુદનમાં વાસ્તવિકતા છે ને હસવામાં અભિનય છે.

– સૈફ પાલનપુરી

Posted: Pruthu Lakhpatwala

નસીબદાર છો તમે જિંદગી તમારી સરળ છે;

કોણ જાણે કેમ અમારો તો બંનેમાં પરાજય છે!

મહેન્દ્ર શાહ

કદી ન મટે એવા;
આપે નવા જખમ.

નટવર મહેતા

કોઈ સારા ડૉક્ટરને બતાવો;

બાકી તો જેનાં જેવાં કરમ!

મહેન્દ્ર શાહ

તને ચાહવું સતત;
એ જ મારો ધરમ.

નટવર મહેતા

નથી કશું એમાં ખોટું;

એમાં શાની શરમ?

મહેન્દ્ર શાહ

તારા ચહેરા પર દેખાય છે જે આ નુર બકા,
એની સામે ફિક્કા લાગે સત્તર કોહીનુર બકા.

બધીર અમદાવાદી

કોહીનુરનો હીરો જોયો છે ક્યારે બકા?

તો શું સરખામણી કરે છે, ધુળ બકા?

મહેન્દ્ર શાહ

 

‘બેફામ’ બન્યા વિના ‘આદિલ’ તૂટતું નથી,
‘ઘાયલ’ બન્યા વિન ગઝલ કોઈ લખતું નથી
સ્વપ્ન ગમે તેવું સુંદર હોય છતાં
પરિણામે ‘શૂન્ય’ એ કદી સાચું પડતું નથી

મુકેશ પરીખ

શોભન સરકારના સોનાના સ્વપ્ના પછી તો;

પૂરી ખાત્રી થઈ, સ્વપ્ન કદી સાચું પડતું નથી!

મહેન્દ્ર શાહ

તારા વિના સૂરજ તો ઊગ્યો
પણ આકાશ આથમી ગયું..
તારા વિના ફૂલ તો ખીલ્યાં
પણ આંખો કરમાઈ ગઈ..
તારા વિના ગીત તો સાંભળ્યું
પણ કાન મૂંગા થયા..
તારા વિના..

તારા વિના..

તારા વિના..

જવા દે,
કશું જ કહેવું નથી..

અને કહેવું પણ કોને
તારા વિના..??

મુકેશ પરીખ

આટલે પહોચ્યા પછી..

કશું કહેવું નથી એમ તે કેમ ચાલે?

કોઈને નહીં, તો અમને કહી નાખો!

તારા વિના સૂરજ આકાશ ફૂલ આંખોનું

ગીત મૂંગા કાને સાભળ્યું;

હવે……..,

તારા સાથે રાત અને ચંદ્રનું ગીત

સળવે કાને સંભળાવી દો!

તારા સાથે…

તારા સાથે…

તારા સાથે…

મહેન્દ્ર શાહ

 

થવાનું હોય એ થઈને જ રહે, ભલે ગમે એટલું ટાળો;
થતા થતા થઈ ગયો છે મારાથીય યારો એક ગોટાળો.

નટવર મહેતા

ચાલો, કશો વાંધો નહીં, જો થઈ ગયો ગોટાળો તો;

પણ કોઈ માફ નહીં કરે જો થઈ ગયો અટકચાળો!

મહેન્દ્ર શાહ.

                                                કંઈક કરી છૂટવા માટે મૌસમ નહીં મન જોઈએ,

સાધન બધા મળી રહેશે સંકલ્પનું ધન જોઈએ..!

Kalyani Pandya

 

કંઈક કરી છૂટવા માટે મન, મોસમ, ધન તો જોઈએ જ, પણ;

સારી હેલ્થ વગર શું કરશો? માટે પહેલાં  તંદુરસ્ત તન જોઈએ!

મહેન્દ્ર શાહ

સબંધના મોતિ પરોવી રાખજો,
વિશ્વાસની દોરી મજબુત બનાવી રાખજો,
અમે ક્યાં કીધું કે અમારા જ દોસ્ત બનીને રહો,
પણ તમારા દોસ્તો ની યાદીમાં,
એક નામ અમારું પણ રાખજો …….

Unknown, Posted: Kishan Shah

એટલું પણ ના કરી શકો તો કઈ નહીં, બસ પાર્ટી ફાર્ટી  રાખો તો;

આમંત્રણ લીસ્ટના પ્રીંટઆઉટમાં જરૂર નામ અમારું પણ રાખજો!

મહેન્દ્ર શાહ

                                            સરનામું મારા ખંડિત દિલનું તારી આંખોમાં લખાયું છે;
એ સરનામાનાં સગડે સગડે એક વાર મળવા આવને.

નટવર મહેતા

સરનામું દિલનું તો લખેલ છે, પણ  GPS ચાલતું નથી દશેરાના દિવસે જ;

ને તું ક્યારની કહ્યા કરે છે, એક વાર મળવા આવને, એક વાર મળવા આવને!

મહેન્દ્ર શાહ

બહેરી પ્રિયા : તમે મને ‘હની’ કહીને કેમ નથી બોલાવતા?

બધીર અમદાવાદી

કારણ કે તને પ્રાસમાં બોલવાની આદત છે..,

જેવો જ તને કહીશ હું હની;

તું કહીશ ગીવ મી સમ મની!

મહેન્દ્ર શાહ

તમે આભારની વાતો કરો છો,
હજી અમને પરાયા કાં ગણો છો ?

શૈલેશ પંડ્યા ( ભીનાશ )

Posted: Sanatkumar Dave

અને જો અમે ” આભાર!” નથી કહેતા તો તમે ને તમે;

શીષ્ટાચારની ખામી છે, કહી પાછળ ગણગણો છો!

મહેન્દ્ર શાહ

કેટલુ ચાહુ છું તને એનું માપ શી રીતે આપુ?
કો’તો.. કેવી રીતે આકાશને આંગળીથી માપુ?
 Deepa Sevak.

મપાશે તો નહીં,પણ તમે કહો તો;

કેટલું ચાહું છું એ ફેસબુકમાં છાપું!

મહેન્દ્ર શાહ

 


Mahendra Shah
www.isaidittoo.com
Your appreciation is my inspiration

 

One response to “ગઝલાક્ષરી – Collectiion + Mahendra Shah

  1. pragnaju November 28, 2013 at 8:42 am

    સરસ
    રોજ રાત્રે છાને ખૂણે
    ફૂલદાની રડે છે.
    એને એ જ સમજાતું નથી કે
    પોતે એવા તે ક્યાં પાપ કર્યા હશે કે
    ફૂલોનું કબ્રસ્તાન બનવું પડ્યું ?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: