હાસ્ય દરબાર

ગુજરાતી બ્લોગ જગતમાં રોજ નવી જોક અને હાસ્યનું હુલ્લડ

‘લઘુ વાર્તા લેખન’ – અખતરાનો અંજામ

‘હાસ્ય દરબાર’ના વાચકો બોલિંગ બેટિંગ બન્ને કરી શકે છે! ( સટ્ટા બેટિંગની ખબર નથ! ) જુઓ ને… ‘લઘુ વાર્તા લેખન’  માં પણ બિરાદરો ટૂટી પડ્યા…

મૌલિક વાર્તાનો અંજામ લાવવાનો હતો….

…બારણું ખુલ્યું અને મારી કાર ચાલુ કરી. 

અને હવે આ રહ્યા વાર્તાના આગલા ભાગ… સૌ સૌની અનોખી અદામાં…( જે ક્રમમાં વાર્તાઓ મળી છે – એ જ ક્રમમાં ). ભાગ લેનાર સૌ મિત્રોનો હૃદયપૂર્વક આભાર.

અને… બસ … આમ જ લખતા રે’જો.

 પ્રજ્ઞા વ્યાસ

 નીરવ રવે મેં સાંકળ ઠોકી,
‘કોણ તમે ?’નો પડઘો પડતાં…
મેં અંધારે જોયું ,સ્તબ્ધ બનેલી સામે ઉભી હું.
..
ખટાક એવા કોઈ પ્રકારે, અવાજ વિના ખુલ્યું બારણું,અને મારી કાર ચાલુ કરી.

યુવરાજ જાડેજા

દેહ વેચનારી એ સ્ત્રીઓ ની ગલીમાં મારી કાર પ્રવેશી, અને લોકો ની નજર મારા પર મંડાણી. એ સ્ત્રીઓ પણ મારી કારના કાચમાં ડોકિયા કરવા માંડી. મારી પત્ની ને તેના ગૃહ ઉદ્યોગ ના બિઝનેસમાં કેટલીક સ્ત્રીઓ ની જરૂર હતી , મેં બારી નો કાચ ખોલી ને એ સ્ત્રીઓને કહ્યું – ” પૈસા તો મળશે, પણ કામ બીજું છે ! તમે કરશો ? ” સ્ત્રીઓ સહમત થઇ, અને મારી પત્નીના બિઝનેસના ભાવી કારીગરો ને બેસાડવા મેં મારી કાર નું બારણું ખોલ્યું, બારણું ખુલ્યું અને મારી કાર ચાલુ કરી.

શરદ શાહ

“પરમાત્માનુ ભાણુ” રોજ પ્રભાતે સુર્યના પ્રથમ કિરણ સાથે જ શરુ થાય પખીઓનો મીઠો કલરવ,ઠંડી વાયુ લહરીઓ, રંગબીરંગી તાજા પુષ્પોની ખુશ્બુ, આકાશના મેઘધનુષી રંગો, વાદળોની સંતાકુકડી અને હરીયાળા ઝુમતા વૃક્ષો. સમગ્ર પ્રકૃતિ આનંદ સભર અને જીવંત બની ઊઠે પણ એક હું, મરેલો મરેલો, ચિંતાગ્રસ્ત, ભવિષ્ય અને ભુતમાં ભમતો અને પરમાત્માએ મને પીરસેલા ભાત ભાતના ભાણાને માણવાની જગ્યાએ હદીઓ કાઢતો રહ્યો છું. રોજ તો નોકરી અને અન્ય વ્યસ્તતામાંથી નવરાશ જ ક્યાં છે? પણ આજે તો રવિવાર છે અને નિશ્ચય કર્યો છે કે આજે પ્રાતઃ કાળે ઊઠી પ્રકૃતિમાં ઓગળવું છે. પિરસાયેલાં ભાણાનો ભરપુર રસાસ્વાદ માણવો છે. પાંચનો એલારામ વાગતાં જ બિસ્તર છોડ્યું, પ્રાતઃક્રિયાઓ નીપટાવી ઝટપટ ગેરેજનુ બારણું ખોલ્યું અને મારી કાર ચાલુ કરી નજીકની ઝીલ અને વરાઈઓ તરફ હંકારી મુકી.

(સાચું કહું તો આજે પહેલીવાર આ ભાણુ માણ્યું અને તૃપ્તિનો જે અહેસાસ થયો તે જીવનમાં ક્યારેય નથી થયો. )

રૂપેન પટેલ

નેટ ચાલુ કરી ત્યાં વાર્તા સુઝી, લખવાનુ શરુ કર્યુ ત્યાંજ નેટ કનેકટીવીટી જતી રહી અને તરતજ મારી તંદ્રા તુટી.
( વાર્તા અધુરી કેમ મુકી?)

એમ. જી. ડુમસીઆ

પહેલા ગિઅરમાં નાખી ને ગાડી ચાલુ કરી ત્યાં જ એણે બારણું જરા જોર થી બંધ કર્યુ. ‘તો હજી એમની રીસ ઉતરી નથી એમ?’ પણ મારા દિવસની શરૂઆત આવી થાય તે મારા થી સહન ના થયુ. મને પણ થોડી રીસ ચડી. ગાડીને બ્રેક મારીને એક મિસકોલ આપ્યો. થોડીવાર પછી ધીમે રહી ને બારણું ખુલ્યુ. અને એનો હસતો ચહેરો જોતા જોતા મેં ગાડી ચાલુ કરી.

ધીરજલાલ વૈદ્ય

પચાસની વયનો કનૈયાલાલ તેની મર્સીડીસ કાર લઇને ઓફિસે જતાં, ટ્રાફિકના સ્ટોપ સિગ્નલ ઉપર ગ્રીન સિગ્નલની રાહ જોતો આજુબાજુ બાખોળિયા મારતો ઊભો હતો. તેની નજર એક બુકાની બાંધેલી ઉભેલી એક્ટીવા સ્કૂટર સવાર ખૂબસૂરત યુવતી ઉપર પડી. કનૈયાલાલ વોટર-વૉટર થઇ ગયાં અને એક સીટી ફૂંકી. એક્ટીવા સવાર યુવતીએ તેના તરફ ડોક ફેરવી. એટલે કનૈયાલાલની લાળ ટપકી અને લહેકો માર્યો:” હાય જાનેમંદ, જરા મુખડા તો દિખાતી જા.”…યુવતીએ તરત બુકાનીના બંધ બારણા ખોલ્યાં અને બોલી પડી,” પપ્પા…એ..તો …હું…છું..તમારી કુસુમ…” બુકાનીના બારણા ખુલતાની સાથે જ પપ્પા કનૈયાલાલે પોતાની દિકરીને ઓળખી, સાથે જ ગ્રીન સિગ્નલ પડ્યો અને પપ્પાએ પોતાની કાર મારી મૂકી….

વિનોદ પટેલ

દિનેશ મારો દિલોજાન મિત્ર . એક બીજા વગર ચાલે નહી એવા અમારા જીગરી સંબંધો . એક દિવસ મારી કાર લઈને હું બહાર નીકળતો હતો ત્યાં જ દિનેશનો ફોન આવ્યો કે તું જલ્દી મારે ત્યાં આવ મારે તારી સાથે જરા બહાર જવાનું છે . હું એના ઘેર પહોંચ્યો એટલે એણે નિરાશ ચહેરે એક આઘાત જનક સમાચાર આપ્યા કે “એને હમણા જ ખબર પડી છે કે એની પત્ની ચોરી છુપીથી એના એક જુના કોલેજના મિત્રને મળતી હોય છે . અત્યારે હાલ એની બેવફા પત્ની એના પ્રેમીની સાથે મોટેલ બસેરામાં ગઈ છે.ચાંલ આપણે તારી કારમાં એ મોટેલમાં જઈને ખાત્રી કરીએ કે શું વાત સાચી છે કે ખોટી .” દિનેશને લઈને હું મોટેલ બસેરામાં જઈને એની ઓફીસ આગળ કાર પાર્ક કરીને રાહ જોતા કારમાં બેસી રહ્યા . થોડી વારમાં દિનેશની પત્ની એના પ્રેમી સાથે મોટેલની એક રૂમમાંથી બહાર નીકળતી દેખાઈ . મોટેલની રૂમનું જેવું બારણું ખુલ્યું અને મેં મારી કાર ચાલુ કરી અને દિનેશ અને હું એ લોકોની કારનો પીછો કરવા લાગ્યા .

રમેશ પટેલ ( આકાશદીપ)

પૂનમ ઊગી. બારણું ખૂલ્યું ને જોયું તો સરપ્રાઈઝ આપવા, સાત સાગર પારથી આવેલો દીકરો સામે દીઠો. ભાડાની ગાડી સરસ કરતી ઉપડી ગઈ જાણે સ્વપ્ન દીઠું. આંખોમાં આંસુ અને બોલ કંઠમાં ઠરી ગયા..ના સંદેશો , ના વાવડ કોણે કીધા તને તેડા? આજે જાણે વ્હાલને દરિયે પૂનમ ઊગી.

ભરત પંડ્યા

સમાચાર મળ્યા.મોરબીના મારું  ઘર , જે મેં મોહનભાઇનેભાડે રહેવા આપ્યું હતું ત્યા મોહનભાઇ સહીત આખા કુટુંબે આપઘાત કર્યો. રાત્રે બે વાગે મારતી કારે પહોંચ્યો, કમ્પાઉંડ મા ગાડી ઉભી રાખી.બારણું ખુલ્યું;”આવ આવ.” મોહનભાઇ સામે ઉભા હતા!
અને મેં  મારી કાર ચાલુ કરી.

અને છેલ્લે …
જે ઘટના પરથી આ અભિયાન સૂઝ્યું – એ ઘટના

રોજના જેવો જ એ દિવસ હતો. વહેલી સવારની પરોઢ; સમય સવારના ૬ -૫૦ ; દિકરીના દિકરા ‘જય’ને  નિશાળે મૂકવા જવાનો નિત્ય ક્રમ. પણ એને  નિશાળે મારે થોડા જ મૂકવા જવાનું હોય છે? એના દોસ્ત ‘હન્ટર’ ને ઘેર મારે મૂકી આવવાનો અને હન્ટરના પપ્પા કે મમ્મી એમને નિશાળે ઊતારી દે.
એ દિવસે પણ એમ જ થયું. તેણે હન્ટરના ઘરના બારણાં પાસે બેલ માર્યો; અને રાહ જોતો ઊભો રહ્યો.
ઘરનું  બારણૂં ખુલ્યું .. અને મેં કાર ચાલુ કરી. 

———————————————-

અને આવી બિનરૂલી(!) વાર્તાઓ પણ નિર્બંધ સર્જકોએ મોકલી છે !!

કનક રાવળ

એક રાજા અટપટ તેની બહુ ખટપટ મરી ગયો ઝટપટ -આવી ત્રણ લીટી ચાલે? કે? અટપટ રાજા મરી ગયો ઝટપટ.
(વાર્તા લખ્યા પછી એવણને રૂલ્સની ખબર પડી!)

માલતી દોશી

એક વાર બે સ્ત્રીઓ કુવે પાણી ભરવા ગઈ. પહેલીએ બીજી પાસે પાણી સિંચવા દોરડું માંગ્યું. તો બીજી બોલી,” તારે ને મારે શું સગાઈ; તે હું તને દોરડું આપું?”

પહેલીએ કહ્યું,” તારા સસરા મારા સસરાના સસરા થાય. ”
તો બન્ને વચ્ચે શું સંબંધ થાય? મિત્રો , વિચારો અને જવાબ લખો.
( આમાં વાર્તા તો કૂવે ડુબી ગઈ! હવે આપણે જવાબ આપવાનો!! )

11 responses to “‘લઘુ વાર્તા લેખન’ – અખતરાનો અંજામ

  1. Bharat Pandya મે 28, 2013 at 2:54 pm

    Malatiben —–

    એક સ્ત્રી ખોળામા એક છોકરાને લ ઇ ને બેઠી હતી.કોકે પુછ્યું આ તારે શુંથાય તો કહે
    “આનો પિતા તે એ માણસના સસરા છે જેના પિતા મારા સસરા છે. ” શોધી કાઢો બન્ને વચ્ચે શું સગપણ છે >

  2. dhufari મે 28, 2013 at 7:29 am

    બધી જ વાર્તાઓ ખુબ જ સરસ. સર્વેને અભિનંદન …….

  3. MG Dumasia મે 28, 2013 at 3:01 am

    વાર્તાઓ વાંચવાની મઝા પડી ગઈ પણ એના પર આપના અભિપ્રાય મળત તો મઝા આવતે !

  4. kirankarmyogi મે 26, 2013 at 2:02 pm

    વાહ અહીં તો મજા પડી ગઈ .
    અખતરો ખતરા વિના પાર પડી ગયો….
    સ……..રસ…અભિનંદન………

  5. M.D.Gandhi, U.S.A. મે 26, 2013 at 1:22 pm

    વાંચવાની બહુ મજા આવી.

  6. Anila Patel મે 26, 2013 at 11:25 am

    વાહ મજા આવી. બધાના મગજની કસરતમા કેવી કરામત છે? અદભૂત અખતરો.

  7. સુરેશ જાની મે 26, 2013 at 7:13 am

    માલતીબેનના સવાલનો જવાબ –
    મામીજી અને ભાણેજ વહુ.

  8. dhirajlalvaidya મે 26, 2013 at 2:26 am

    માલતીબેન એ બે પનિહારીઓ વચ્ચે નણંદ-ભોજાઇ નો સંબંધ થાય.

  9. preeti મે 26, 2013 at 1:08 am

    બધી જ વાર્તાઓ ખુબ જ સરસ. સર્વેને અભિનંદન …….

  10. yuvrajjadeja મે 26, 2013 at 12:57 am

    enjoyed different stories a lot, મોજ પડી , અમને લખવા પ્રેરિત કરવા અને મોજ કરાવવા બદલ thank you very much 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: