હાસ્ય દરબાર

ગુજરાતી બ્લોગ જગતમાં રોજ નવી જોક અને હાસ્યનું હુલ્લડ

૬૦ + નું મંગલાષ્ટક

છંદ –  શાર્દુલવિક્રીડિત
ગણરચના –  મ સ જ સ ત ત ગા
[ ગાગાગા લલગા લ,ગાલ લલગા, ગાગાલ ગા,ગાલ ગા ]
રાગ – ઊગે છે સુરખી ભરી રવિ મૃદુ, હેમંતનો પૂર્વમાં…

———————————————–

સાઠે જાય ઘણાની બુદ્ધિ બગડી;મારીય હાલી ગઈ!
સિત્તેરે વિસરાય લો, સહજમાં; કાલે હતું ખાધું શું?

નેવુંએ નવલા અહો! મલપતા; અલ્ઝાઈમર આવિયા!
સોએ ક્યાં પહોંચી જશે સફર આ? પૂછો મને ભાઈ ના!

14 responses to “૬૦ + નું મંગલાષ્ટક

  1. ઈશ્વર ર દરજી April 26, 2013 at 12:52 pm

    છંદબદ્ધ કાવ્ય પંક્તિ રચવી એ ઘણો કઠીન પ્રયાસ ગણાય. ૧/૮ અષ્ટકના શબ્દો અને ગણરચના માટે સુ જા ને અભિનંદન. એક પ્રશ્ન છે જયારે છંદબદ્ધ રચના કરો ત્યારે શબ્દો પહેલા માનસપટ પર આવે કે પછી ગણરચના પ્રમાણે શબ્દો ગોઠવવા પડે ? અછાંદસ કૃતિઓના યુગમાં છંદ સભર મુક્તક અનોખું ગણાય.

    ઈશ્વર ર દરજી
    વાનકુવર કેનેડા

    • સુરેશ જાની April 26, 2013 at 4:45 pm

      આપણે ધારીએ છીએ એટલું એ અઘરું નથી.
      એક પ્રખ્યાત કવિએ શીખવાડેલ રીત –

      જાણીતું ગીત સરસ રીતે ગાઓ , અને પછી મનમાં જે વિચાર કવિતામાં ગોઠવવો હોય તે , એમ જ ગાવા માંડો. તરત જ અમૂક શબ્દો નહીં બેસે. એમની જગ્યાએ બીજા મળતા શબ્દો મૂકી અથવા કર્તા, કર્મ , ક્રિયાપદ, ક્રિયાવેશેષણ વિ, આઘા પાછા કરી ફરીથી ગાઈ જુઓ.
      બે ત્રણ પ્રયત્નોમાં જ ગીત એ ઢાળમાં બેસાવા માંડશે.

      શુદ્ધિનો બહુ આગ્રહ હોય તો, કાગળ, પેન્સિલ( પેન નહીં !), રબર લઈ ગણરચના પ્રમાણે ચેક કરતા જાઓ.
      સારી કવિતા લખવામાં ૮૦ % લય માટેની મજુરી અને બાકીના જ એનાં બાકીનાં ત્રણ તત્વો માટે હોય છે – એમ અમૃત ઘાયલે કહેલું છે!

  2. હિમ્મતલાલ April 25, 2013 at 10:48 pm

    જવાની મેં તુને જાળવી પહર ચાર્યું આખી રાત (પહર ચારવું એટલે રાત્રે ઢોરને ચરવા લઇજવાં )
    અર્ધી અવસ્થાએ મને દગો દીધો લાકડી પકડાવી ગયું હાથ ‘
    હું પણ જયારે ઘરડો થઈશ ત્યારે મારે પણ લાકડીને ટેકે ચાલવું પડશે .

  3. હિમ્મતલાલ April 25, 2013 at 10:31 pm

    ગોલણ ક્યે ગલઢા થયા જાંગે તૂટ્યા જોર, બે બે બાયડીયુ રમાડતા તેદિ નળિયું હતિયું નકોર

  4. HARIBHAI DARJI April 25, 2013 at 1:52 am

    AAP GAME TE KAHO KE SAATHE BHDDHI NATHI PAN A HAKIKAT CHHE KE GHARADA J GADA VALECCHE .APDA JEVA SENIOR CITIZENO A TO NAVA JAMANA NE ANUROOP JIVAVU JOIYE ANE JYARE KOI PUCCHE TO J SALAH AAPAVI SAMAJ NE APDO ANUBHAV APVO PAN TYARE JYARE PUCHHVAMO AAVE TYARE. APNE POTANI MITRA MANDAL BANAVAVU ANE MAZA KARVI SAARA KAMO KARAVA.
    HARIBHAI DARJI

  5. prakashbhainakrani April 24, 2013 at 12:45 am

    મંગલાષ્ટક  ગમ્યું

    ________________________________

  6. હિમ્મતલાલ April 23, 2013 at 11:24 pm

    સુરેશભાઈ તમે તો છુપા રુસ્તમ નીકળ્યા .પાદપૂર્તિ માટે કોઈને શામાટે કહેવું પડે ‘તમને પોતાનેજ જયારે તમારી ઊંઘ ઉડી ગઈ હશે ,પણ તમે પથારીમાં પડ્યા હશો ત્યારે પાદપૂર્તિ પેદા થઇ જશે .

  7. સુરેશ જાની April 23, 2013 at 3:57 pm

    પ્રજ્ઞાબેનનું લિસ્ટ આગળ વધારું ..

    ભુલી જવાનો હું જ, એ કહેતા હતા મને,
    એવું કહીને એજ તો ભુલી ગયા મને.

    પૂછ્યું નથી શું કોઇએ, મારા વિશે કશું?
    તારા વિશે તો કેટલું પૂછે બધા મને!

    ખોબો ભરીને ક્યાંયથી, પીવા મળ્યું નહિ,
    દરિયો મળ્યો છે આમ તો, ડૂબી જવા મને.

    થાકી ગયો તો ખૂબ કે ચાલી શકત ન હું,
    સારું થયું કે લોક સહુ ઊંચકી ગયા મને.

    – કૈલાસ પંડિત

    એનો મત્લાનો શેર બધાંની આખરી મંઝિલની સરસ અભિવ્યક્તિ છે. આ મહાન શાયરના જીવન વિશે કોઈ વિગત મળતી નથી. કોઈ એ માહિતી પુરી પાડશે તો આભારી થઈશ.

  8. Ramesh Patel April 23, 2013 at 1:28 pm

    હજુ તો ગઈકાલ જેવી જ લાગે જવાની

    હસ્યા દર્પણ સામે તો ચોકઠું ખાય ચાડી

    ગયો એ વટ ને ભભકાભરી શાન દુલારી

    ભૂલવું પડશે બોલી સાઈઠની શાહી સવારી

    રમેશ પટેલ(આકાશદીપ)

  9. pragnaju April 23, 2013 at 10:29 am

    ભૂલવા પર યાદ આવે…
    ડો મહેશ
    ભૂલવાની વાત કર મા
    ઝૂરવાની વાત કર મા.
    ………………………………………
    ગુંજે જયકર ભોજક નો અવાજ
    ભૂલી શકશો ના તમે મને ભૂલીને તમે
    સતત યાદમાં તમને આવ્યા કરીશ હું
    સપનો બનીને યાદો બનીને
    નીંદ તમારી ઊડાવ્યાં કરીશ હું
    ભૂલી શકશો ના તમે મને ભૂલીને તમે
    હ્રદયના અવાજથી બોલાવ્યા કરીશ હું
    ભૂલી શકશો ના તમે મને ભૂલીને તમે
    તમને બધી યાદો અપાવ્યા કરીશ હું
    ભૂલી શકશો ના તમે મને ભૂલીને તમે
    નીંદ તમારી ઊડાવ્યાં કરીશ હું………………………………………………………
    અમારા આર. ડી.વાળા સ્નેહી કહે…
    સ્મૃતિનો સીધો સંબંધ સિનેપ્સીસ પ્લાસ્ટિસિટી સાથે છે. ઘણા પ્રોટીન સિનેપ્સીસમાં એમઆરએ ના ટ્રાન્સલેશન થકી પેદા થાય છે. હવે, આ નિર્માણ સેલ-બોડીમાં થાય છે અને પેલા સિનેપ્સીસ સેલ-બોડીથી દૂર હોય છે.આથી ન્યુરોન પાસે એવા કોઇ રસ્તા હોવા જોઇએ, જેના થકી તે સિનેપ્સીસમાં થઇ રહેલી ગતિવિધિ અનુસાર એમઆરએનએના ટ્રાન્સલેશનને સક્રિય બનાવી શકે. આ પ્રકારના લોકલ ટ્રાન્સલેશનના નિયમન માટેના વિશિષ્ટ મોલેક્યુલર મિકેનિઝમને સાયટોપ્લાઝ્મીક પોલીએડીનાયલેશન કહે છે. આ ખૂબ જટિલ પછીની વાત ?
    ભૂલાઇ ગઇ !

  10. Vinod R. Patel April 23, 2013 at 9:40 am

    વૃદ્ધાવસ્થા છે જ એવી , શરીરનો સાથ રોજ છૂટતો રહે

    જીવી લેવું આનંદે,સહકાર શરીરનો ચાલુ છે ત્યાં સુધી

  11. Jitendra Padh April 23, 2013 at 8:58 am

    suresh ….vadil.Magalastak 8yugam/16 pankatima hoy?ahi 4 liti chhe,muktak kahi shakay….magalashtak nahi,athava to 8 jodi shalok jem pura karo……..maro angat vichar chhe.,tika karvano erado nathi . jitendrapadh

    • સુરેશ જાની April 23, 2013 at 3:41 pm

      વાત તો હાવ હાચી, પણ હતી એટલી મતિએ આટલું લખાવ્યું – હવે બાકીની મતિ ક્યાંથી લાવવી? ! જો કે, ન્યાં કણે મેદાન મોકળું છે.
      પાદપૂર્તિ કરીને આ મહાન રચનાને વધુ સમૃદ્ધ બનાવવા ઈજન છે.

  12. chaman April 23, 2013 at 8:49 am

    હજુ સવારની ચા પણ પીધી નથી ને ‘હોટ મેલ” ખોલતાં ખેચાઈ ગયો વાંચવા…
    મને હતું કે આ રચના કોઇની હશે, પણ આતો તમારી નિકળી! કહેવું પડે! શું વાત છે!!
    વધારે લીટીઓ ઉમેરો તો બધાને વાંચવાની મજા પડી જશે.
    ચા પીધા વગર મગજ જોઇએ એવું કામ કરતું નથી.
    વઘું પછી લખીશ.
    અભિનંદન.
    “ચમન”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: