છૂટાછેડાની ખતરનાક રીત – ‘આતા’

     અમેરિકામાં  છુટા છેડાનું પ્રમાણ બહુ હોય છે.

    સીનીયર સેન્ટરમાં  એક વખત પ્રશ્ન પૂછ્યો  કે એક જ પત્ની સાથે પચાસથી  વધુ સમય સુધી લગ્ન જીવન ટકી રહ્યું હોય એવો માણસ હાથ ઉંચો કરે ફક્ત અમારો હાથ ઉંચો થયો . એક માણસે મને પૂછ્યું . “લગ્ન કરતાં પહેલાં કેટલો સમય સુધી તમે ભેગાં રહેલાં?”

મેં કીધું , “તું ભેગા રહેવાની વાત કરે છે .પણ મેંતો મારી બાયડીનું મોઢું લગ્ન થયા પછી છ મહીને જોયું હતું અને ઈ પણ ઝાવડ ભાવડ.”

       એક અમેરિકન એની  વાઈફથી   છુટ્ટા છેડા લેવા માંગતો હતો . જજે એક વરસ વિચાર કરવાની તક આપેલી. દરમ્યાનમાં  એક વખત અચાનક બંને જણા બેંકમાં આવી ચડ્યાં અને કુદરતને કરવું ; બેંક લુંટવા ડાકુ આવી ચડ્યા . ડાકુઓએ  દરેકને એવી ધમકી આપી કે, દરેક માણસો  નીચી મૂંડીએ બેસી રહે .જે કોઈ ઊંચું માથું કરશે એને  ગોળી મારી દેવામાં આવશે.”

    બધા  જ માથું નીચું કરીને બેસી રહ્યા. એટલામાં એક માણસ માથું ઊંચું કરીને બોલ્યો,” હું કારમાંથી  મારી દવા લઇ આવું ?”

  ડાકુએ એને ગોળી મારી દીધી .

    છૂટાછેડા વાળા માણસને વિચાર આવ્યો કે આ અખતરો કરવા જેવો છે. એ નીચું માથું રાખીને  પોતાની  વાઈફને  ડાકુને દેખાડીને બોલ્યો , ” ઓલી બાયડી ચકળ વકળ આંખો કરતી માથું ઊંચું કરીને કૈક જોઈ રહી છે.”

    ડાકુએ ધડ દઈને ગોળી મારીને બાયડીને મારી નાખી  એટલે ઓલ્યો  નીચી મુંડી રાખીને હળવેક થી બોલ્યો -

“થેંક  ગોડ .”

——————

હિમ્મતલાલ જોશી – ફિનિક્સ , એરિઝોના