થોડા ચુટકીલા વીચારો – નિકુલ પટેલ

• જ્યારે કોઈ પુરુષ પોતાની પત્ની માટે ગાડીનો દરવાજો ખોલે, ત્યારે સમજવાનું કે ગાડી નવી છે, કાં તો પત્ની નવી છે.
• પ્રેમના ગણીતમાં એક વત્તા એક એટલે સર્વ, અને બે ઓછા એક એટલે શુન્ય.
• સફળતા રીલેટીવ છે, જ્યારે તમને મળે છે ત્યારે તમારાં ઘણાં બધાં રીલેટીવો પેદા થાય છે.
• જો તમે કોઈને પ્રેમ કરતા હો તો બીજા કશાની જરૂર નથી, પરંતુ જો તમે પ્રેમ ના કરતા હો તો, બીજું જે પણ તમારી પાસે હોય એનો કોઈ મતલબ નથી.
• હું ઓફીસમાં દરરોજ મોડો આવું છું, પણ એને સરભર કરવા માટે દરરોજ વહેલો નીકળી જાઉં છું.
• જુની મુલ્યવાન ચીજો એટલે –  જેમનો કેટલાય વખતથી સહેજેય વપરાશ નથી એવી ચીજો.
• એ માણસ ભલે મુરખની જેમ બોલતો હોય કે,  મુરખની જેમ વર્તતો હોય. તમે એનાથી મુરખ ન બનતાં, એ ખરેખર મુરખ જ છે !
• ઉમ્મર તમને પ્રેમ કરતાં રોકતી નથી; પણ પ્રેમ તમને ઉમ્મરલાયક થતાં રોકે છે.
• ભુતકાળમાં જે આંસુ મેં પાડ્યા હતાં તે અત્યારે યાદ કરું છું; ત્યારે હસવું આવે છે.  પરંતુ મને એ નહોતી ખબર કે ભુતકાળમાં આપણે જે હસ્યાં હતાં એ અત્યારે યાદ કરવાથી પણ આંસુ આવે છે.
• પ્રેમનું પાત્ર શોધો નહિ, બનો.