હાસ્ય દરબાર

પત્ની

• આ શું લાવ્યા છો ?

પતી

• નાટકની ટીકીટો. 

પત્ની

• વાહ ! હું હમણાં જ તૈયાર થવા માંડુ છું.

પતી

• હા, એ બરાબર.  અત્યારથી તૈયાર થા, તો તુ તૈયાર થઈ રહીશ. કારણકે ટીકીટો આવતીકાલની છે !

સાભાર - રીડ ગુજરાતી

 ચંદુ ઓફીસે જવા નીકળ્યો.

એની મમ્મીએ કહ્યું -

• બેટા, ચા પીવી છે ?

ચંદુ

• ના મમ્મી ! ચા પીને ઓફીસે જવાનું મને ગમતું નથી. 

મમ્મી

• કેમ, બેટા ?

ચંદુ 

• ચા પીધા પછી મને ઉંઘ નથી આવતી !

સાભાર - રીડ ગુજરાતી

નટુ

• મારી પત્ની એટલી બધી હોંશિયાર છે કે, એ કોઈપણ સ્થળે કોઈપણ સમયે કલાકો સુધી ગમે તે વીશય ઉપર બોલી શકે છે.

ગટુ

• એમાં શી ધાડ મારી ? મારી પત્ની તો વીશય વગર પણ ગમે તેટલો સમય બોલી શકે છે !

સાભાર - રીડ ગુજરાતી

નટખટ નીતાના પપ્પાએ કહ્યું -

• મને સંગીત પ્રત્યે ખુબ જ રસ છે. મારી નસેનસમાં સંગીત જ સંગીત છે !

નીતા

• હા પપ્પા! તમે રાત્રે ઉંઘી જાઓ છો ત્યારે તમારી બધી જ નસોમાં રહેલું સંગીત નસકોરાં દ્વારા પ્રગટ થવા લાગે છે !

સાભાર - રીડ ગુજરાતી

ભાડુત

• બહાર ભારે વરસાદ પડે છે અને છતમાં કેટલીય જગ્યાએથી પાણી પડે છે, એ મેં તમને અનેક વાર કીધેલું છે.  તો આમ ક્યાં સુધી ચાલશે ?

મકાનમાલીક

• મને કેમ ખબર પડે ? હું કાંઈ હવામાનશાસ્ત્રી થોડો છું !

સાભાર - રીડ ગુજરાતી
 

એક જણે પોતાના મીત્ર પાસે કબુલાત કરી -

• ધોબી પાસે કપડાં ધોવરાવીને, હોટલનું ખાઈને અને કાણાંવાળાં મોજા પહેરીને હું કંટાળેલો, એટલે પછી પરણી ગયો.

 મિત્રે જવાબ વાળ્યો

• માળું, એ તો અચરજ કહેવાય ! એ જ કારણોસર મેં તો છુટાછેડા લીધા !

સાભાર - રીડ ગુજરાતી

ગટુ

• મારી પત્નીની યાદશક્તી ભયંકર ખરાબ છે.

નટુ

• કેમ ? એમને કશું યાદ નથી રહેતું કે શું ?

ગટુ

• ના યાર, એને બધું જ યાદ રહે છે.

સાભાર - રીડ ગુજરાતી

છુટાછેડાની અરજી કરનારાં એક દંપતીને ન્યાયમુર્તીએ કહ્યું -

• તમે બેઉ અદાલતની બહાર જઈને સમાધાન કેમ નથી કરી લેતાં ?

નામદાર, અમે એ જ કરી રહ્યાં હતાં – પણ ત્યાં જ પોલીસે અમને જાહેર શાંતીનો ભંગ કરવા માટે પકડ્યાં!

એક વૃદ્ધની અઠ્ઠાણુંમી વરસગાંઠે તેમની છબી પાડીને પછી ફોટોગ્રાફરે જતાં જતાં કહ્યું

• દાદા, તમે એકસો વર્ષના થાવ ત્યારે પણ છબી પાડવા હું હાજર રહી શકીશ એવી આશા છે.

દાદાજી

• કેમ નહીં વળી ?  હજી તો તારી તબિયત ઘણી સારી દેખાય છે !

ગટુ

• અલ્યા ચીંટુ, તને ખબર છે, મમ્મી અને પત્ની વચ્ચે શો તફાવત ?

ચીંટુ

• ના, શું તફાવત ?

ગટુ

• મમ્મી રડતાં રડતાં આ દુનીયામાં આપણને લાવે છે. જ્યારે પત્ની એ ખ્યાલ રાખે છે કે આપણું રડવાનું ક્યાંક બંધ ના થઈ જાય !
   

સાભાર - રીડ ગુજરાતી